Hans-Jürgen Wächter

Vun Wikipedia
Zur Navigation springen Zur Suche springen

Hans-Jürgen Wächter (* 16. Oktober 1946 in Daulsen) is en düütschen Politiker von de SPD.

Wächter is 1946 in Daulsen boren un hett dor de eersten twölv Johr von sien Leven leevt.[1] 1958 is de Familie na Uphusen tagen.[1] Na de Volksschool hett he en Lehr as Drucker maakt un as Drucker arbeidt bet he en egen Schrievworenladen in Uphusen opmaakt hett.[1] Blangenbi hett he en Studium op Lehramt an Beroopscholen maakt.[1] In’n Hauptberoop harr he von 2004 bet to sien Rohstand 2012 as Viez dat Leid von de Berooplichen Scholen in’n Enkelthannel in Bremen.

He weer von 1972 bet 2016 Liddmaat in’n Stadtraad von de Gemeen Achem un von 1981 bet 2016 Liddmaat in’n Kreisdag von’n Landkreis Veern. In de Stadt Achem weer he von 1976 bet 1982 un von 1999 bet 2006 Viez-Börgermeester un in’n Kreisdag von 1986 bet 1999 Vörsitter von de SPD-Frakschoon.

Nadem sien Vörgänger Christoph Rippich hauptamtlichen Börgermeester von Achem worrn is, hett Wächter 1999 dat Amt as Landraad von’n Landkreis Veern övernahmen. He weer bet to’n 30. September 2005 de letzte ehrenamtliche Landraad. Na em hett Peter Bohlmann dat Amt as Landraad hauptamtlich övernahmen.

As 2006 Christoph Rippich as Börgermeester von Achem ophöört hett, weer Wächter Kannedaat as sien Nafolger, kunn sik aver nich gegen Uwe Kellner dörsetten.

Wächter leevt in Uphusen un is dor ok Vörsitter von’n Oortsutschuss. He weer ok in’n Verwaltungsraad von de Kreisspoorkass Veern.[1]

2017 hett Wächter dat Bundsverdeenstkrüüz an’t Band kregen.[1]

Footnoten[ännern | Bornkood ännern]

  1. a b c d e f Lisa Duncan: Hans-Jürgen Wächter erhält Bundesverdienstkreuz, Kreiszeitung an’n 27. Januar 2017