Habib Bank

Vun Wikipedia
Zur Navigation springen Zur Suche springen
Kuntollstempel vun de Habib Bank up en 50-Euro-Schien

HBL (Urdu: حبيب بينك) ok Habib Bank Ltd. Pakistan sitt in den Kontoortoorn Habib Bank Plaza in Karatschi in Pakistan. Se is dat Land siene gröttste Bank un hett in ganz Pakistan mehr as 1450 Filialen. Bovenhen gifft dat up de ganze Welt noch 55 Filialen. Ehr Andeel an den Bankenmarkt in Pakistan liggt bi mehr as 40%. Mit Afstand liggt se dor vor de annern Geschäftsbanken in dat Land mit. Mehr as de Hälft vun all Geld, wat in dat Binnenland overwiest warrt un mehr as 55 % vun de Geldtransfers in dat Utland loopt over de Habib Bank.De Bank gifft Kredite for lüttje un middelgrote Unnernehmens un Bueree-Bedrieve un ok Basis-Geldgeschäfte for Industrie, Hannel un Landweertschop.

Geschicht[ännern | Bornkood ännern]

Pakistan sien Grünner Muhammad Ali Jinnah hett de Habib-Bank 1941 in Bombay in Gang brocht. He hett dor de Familie Habib for up siene Sieten brocht, de dormols veel to seggen harrt hett. De Familie harr dat dor up afsehn, over de All-India Muslim League grottern Infloot up de Politik vun de Muslime in dat Land to kriegen, wenn se sik mit düssen Geschäftstwieg afgeven dö. Nadem de brittschen Truppen aftagen weern, de dat Land besett harrn, is over düsse Bank Utglieks-Geld an de Oppers betahlt wurrn.[1] As Pakistan 1947 grünnt wurrn weer, hett de Sellschop ehren Seet na Karatschi leggt un is so Pkistan sien eerst Bankhuus wurrn. 1951 hett se sik mit Filialen in Sri Lanka to'n eersten Mol in't Utland dallaten. 1961 sünd in dat Vereenigte Königriek de eersten Geschäftsstäen in Europa upmaakt wurrn. 10 Johre later weer de Bank denn ok in New York togange.[2] Vun 2009 af an gifft dat ok en Dependence in China.[3]2004 is de Bank internatschonal in de Kritik kamen, vunwegen dat seggt wurrn weer, se betahl illegal Geld, dat vun den Terrorismus insett warrt.[4]

Weblenken[ännern | Bornkood ännern]

Homepage vun de Bank

Belege[ännern | Bornkood ännern]

  1. Habib Bank Ltd., Geschichte vun de Bank
  2. >[http://hbl.com/about-us-history.php Habib Bank Ltd., Geschichte vun de Bank
  3. Daily Times Pakistan
  4. Newsweek