Haßel (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Haßel
Laag vun Haßel in Düütschland
Basisdaten
Bundsland: Neddersassen
Landkreis: Veern
Gemeen: Achem
Inwahners:
Postleettall: 28832
Vörwahl: 04202
Geograafsche Laag:
Koordinaten:53° 1′ N, 9° 3′ O
53° 1′ N, 9° 3′ O

Haßel (hoochdüütsch Hassel) weer en Oort in de Gemeen Achem in’n Landkreis Veern, Neddersassen. De Oort hett von öllers bi Achem mit bihöört, is vondaag aver kumplett Deel von Achem worrn un dor is nix mehr von to marken, dat dat maal en egen Oort weer. De Oort leeg an de Straat, de vondaag den Naam Leipziger Straat driggt.

Överleevt hett de Naam noch in’n Stratennaam Haaßler Straat. Disse Straat löppt von de Straat An de Iesenbahn na de Eck mit de Leipziger Straat un geiht dor in de Zeppelinstraat över.

Geografie[ännern | Bornkood ännern]

Dat Rebeed liggt op de Achem-Veerner Geest. Dat Water flütt över Gravens na’n Bassener Möhlengraven un na de Wümm hen af.

De Naveröörd weren fröher Achemerfeld (bi Bössel) un Bössel in’n Noorden, Achemerfeld (bi Haßel), Üserschaapkoven un Üserfinien in’n Süüdoosten, Üsen in’n Süden, Achem in’n Süüdwesten, Achemerbrook in’n Westen un Emßen in’n Noordwesten.

Historie[ännern | Bornkood ännern]

In de Johren 1960 is direkt an’n Noordrand von Haßel langs de Autobahn 27 boot worrn.

1963 hett en Buur bi dat Anleggen von en Miet söss Lappenbielen von de Urnenfellerkultur funnen.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Achem in’n Kanton Achem höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Achem in’n Kanton Achem.

De Oort hett vör 1852 to de Westvaagdie von dat Gogericht Achem tohöört un denn von 1852 bet 1885 to dat Amt Achem. Na 1885 weer dat in’n Kreis Achem, de 1932 Deel von’n Kreis Veern worrn is.

De Oort weer von öllers Deel von de Gemeen Achem. De Gemeen Achem is an’n 1. Juli 1972 mit de Gemeenreform in Neddersassen nochmaal düüdlich vergröttert worrn.

Inwahnertall[ännern | Bornkood ännern]

Johr Inwahners
1812-00-001812[1] 43
1824-00-001824[2] 1 Füürsteed
1848-00-001848[3] 44 Lüüd. 7 Hüüs
1871-12-011. Dezember 1871[4] 17 Lüüd. 3 Hüüs
1885-12-011. Dezember 1885[5] 23 Lüüd. 3 Hüüs
1905-12-011. Dezember 1905[6] 24 Lüüd. 5 Hüüs

Religion[ännern | Bornkood ännern]

Haßel weer evangeelsch-luthersch präägt. Dat Rebeed höört to dat Kaspel von de Laurentius-Kark in Achem.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 250
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 141
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2