Högere Kreefte

Högere Kreefte(n); Högere Krebsen
Kaliforn'sche Languste
Systematik
Domään: Eukaryota ahn Rang: Veelzellers (Metazoa) Afdeel: Geweevdeerter (Eumetazoa) Ünnerafdeel: Tweesiedendeerter (Bilateria) ahn Rang: Ehrdermünner (Protostomia) Böverstamm: Huututtreckers (Ecdysozoa) Stamm: Liddfööt (Arthopoda) Ünnerstamm: Kreeften (Crustaceaa) Klass: Högere Kreefte (Malacostraca)
Wetenschoplich Naam
Malacostraca
Latreille, 1802

De Högeren Kreefte(n) (Malacostraca) sünd mit bi 28.000 Aarden de gröttste Klass mank de Kreefte (Crustacea). Dor höört so bekannte Kreefte to, as de Echten Krabben, Hummers, Söötwaterkreefte, Langusten un Granaat, man ok Flohkreefte, Kellerswiene un Biddhaupeerd-Kreefte, dorto noch roore Gruppen mit wenig Aarden, as de Thermosbaenacea.

Anatomie

Allgemeen Boplan vun de Echten Kreefte

• De Kopp besteiht ut 6 Segmente mit twee Paare vun Föhlsprieten, dorto Mandibels, 1. un 2. Maxille as Mundwarktüüch.
• 8 Bostsegmente mit dor je een Beenpaar an.
• 6 Abdominalsegmente.
• De Ogen sitt an sik up Stele un könnt bewegt weern.
• De Magen besteiht ut twee Kamern (Filter- un Kaumagen in't Achterdeel vun den Vördarm.
• Zentralnervensystem.

Systematik

De Högeren Kreete ehre Klasse warrt unnerdeelt in dree Unnerklassen mit alltohopen 16 Ornen.

• Unnerklasse Eumalacostraca
  • Böverornen Eucarida
    • Ornen Amphionidacea
    • Ornen Teinfootkreefte (Decapoda)
    • Ornen Lanterngarnelen (Euphausiacea)
  • Böverornen Tornisterkreefte (Peracarida)
    • Ornen Flohkreefte (Amphipoda)
    • Ornen Cumacea
    • Ornen Kellerswiene (Isopoda)
    • Ornen Lophogastrida
    • Ornen Mictacea
    • Ornen Sweevgarnelen (Mysida)
    • Ornen Spelaeogriphacea
    • Ornen Scheren-Kellerswiene (Tanaidacea)
    • Ornen Thermosbaenacea
  • Böverornen Syncarida
    • Ornen Anaspidacea
    • Ornen Sootkreefte (Bathynellacea)
• Unnerklasse Hoplocarida
  • Ornen Biddhaupeerd-Kreefte (Stomatopoda)
• Unnerklasse Phyllocarida
  • Ornen Leptostraca

Literatur

• Richter, S. & G. Scholtz: Phylogenetic analysis of the Malacostraca (Crustacea). In: J. Zool. Syst. Evol. Research. 39. 2001: 113–136

Weblenken

Högere Kreefte(n). Mehr Biller, Videos oder Audiodateien to’t Thema gifft dat bi Wikimedia Commons.