Höög (Gemeen Leendaal)

Vun Wikipedia
Wapen/Flagg Koort
hett keen Wapen
Höög
Laag vun Höög in Düütschland
Basisdaten
Bundsland: Neddersassen
Landkreis: Oosterholt
Gemeen: Leendaal
Inwahners:
Postleettall: 28865
Vörwahl: 04298
Geograafsche Laag:
Koordinaten:53° 10′ N, 8° 54′ O
53° 10′ N, 8° 54′ O

Karte

Höög (hoochdüütsch Höge) is en lütten Oort in de Gemeen Leendaal in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat siede Land langs de Wümm an de Ole Worp, de fröher över de Truper Blänken na de Wümm hen afflaten is. Vondaag sünd de Truper Blänken dröögleggt.

De Naveröörd sünd Frankenborg un Lüttmoor in’n Noordoosten, Kloostermoor in’n Oosten, Trupermoor, Falkenbarg un Moorhusen in’n Süüdoosten, Leendaal un Feldhusen in’n Süden un Millbüern, Wührn un Öberenn in’n Noordwesten.

Historie[ännern | Bornkood ännern]

De Oort bestünn jümmer blots ut twee Hüüs. An de Steed von Höög is 1232 dat Klooster Leendaal anleggt worrn, dat dor aver blots dree Johr bestahn hett. 1235 is dat Klooster eerst na Wollah un denn na Leendaal ümtagen. Vondaag besteiht Höög as Oort nich mehr. Bi dat Fackwarkhuus von 1795 is 1984 de Freelichtbühn Leendaal anleggt worrn. An’n 12. März 1997 is dat ole Fackwarkhuus afbrennt.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Leendaal in’n Kanton Leendaal höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Bet 1885 hett de Oort to de Vaagdie Truup in dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort höört von öllers bi Leendaal mit bi. De Gemeen Leendaal is toeerst an’n 1. April 1937 un denn an’n 1. März 1974 mit de Gemeenreform in Neddersassen düüdlich grötter worrn is.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 16
1824-00-001824[3] 2 Füürsteden
1848-00-001848[4] 12 Lüüd, 2 Hüüs
1871-12-011. Dezember 1871[5] 13 Lüüd, 2 Hüüs
1885-12-011. Dezember 1885[6] 11 Lüüd, 2 Hüüs
1905-12-011. Dezember 1905[7] 16 Lüüd, 2 Hüüs

Religion[ännern | Bornkood ännern]

Höög is evangeelsch-luthersch präägt un höört to dat Kaspel von de Marien-Kark in Leendaal.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Höög is över en lüttjere Straat anbunnen an de Kreisstraat 8, de in’n Westen na Hu’e geiht un in’n Süüdoosten bi Leendaal un Falkenbarg an de Landsstraat 133 ran.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh liggt so 13 Kilometer in’n Süden von Höög an de Leendaler Heerstraat.

De nächsten Bahnhööv sünd so bi twölv Kilometer wied weg in’n Westen/Noordwesten de Bahnhoff Hu’e un de Bahnhoff Oosterholt-Scharmbeek an de Bahnlien Bremen–Bremerhoben. Op de Bahnlien Bremen–Tarms hett dat von 1900 bet 1956 Personenverkehr geven. De Bahnhoff Falkenbarg weer in düsse Tied fiev Kilometer in’n Oosten.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 108
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 280
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 167
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142