Götz von Rohr

Vun Wikipedia

Götz von Rohr (* 7. Juli 1944 in Wiesbaden) is en düütschen Geograaf, de an de Universität Kiel arbeidt.

Götz von Rohr is 1944 in Wiesbaden boren. He hett 1968 in Hamborg sien Studium bi Gerhard Sandner as Diplom-Geograaf afslaten. Dat Thema von siene Diplomarbeid weer Industriegeographie von Wandsbek. 1970 hett he denn bi Sandner sien Dokter över dat Thema Industriestandortverlagerungen im Hamburger Raum maakt. De Habilitatschoon weer 1991 in’n Fachbereich Geografie an de Universität Bremen.

1968 is von Rohr Wetenschoplichen Mitarbeider an dat Geograafsche Institut von de Universität Hamborg worrn. Von 1969 bet 1972 weer he Anstellten in dat Landsplanungsamt von Hamborg. Denn weer he för acht Johr Projektleiter bi de GEWOS GmbH un is 1980 in’n Planungsstab von de Senaatskanzlie von Hamborg wesselt. Dor harr he dat Leid över dat Afdeel „Bo, Ümwelt, Weertschop un Verkehr“. 1992 is he Direkter an dat Geograafsche Institut von de Universität Kiel worrn. Siet 2009 is he in Rohstand, arbeidt aver noch jümmer bi Forschungsprojekte mit.

Von Rohr is Liddmaat von de Akademie för Ruumforschung un Landsplanung (ARL). In’n Düütschen Verband för Angewandte Geografie weer he von 1977 bet 1985 Vörsitter un later Ehrenliddmaat.

Von Rohr is siet 1972 bi de SPD un weer ünner annern von 1991 bet 1994 Börgermeester von Bookholt.

Warken[ännern | Bornkood ännern]

  • Entlastung der Verdichtungsräume, Göttingen: Vandenhoeck und Ruprecht, 1976
  • Der Beruf des Geographen, Hamburg: Material zum Beruf des Geographen, Band 1, 1. Oplaag 1978 (rutgeven von’n Deutschen Verband für Angewandte Geographie)
  • Angewandte Geographie, Braunschweig: Höller u. Zwick, 1990
  • Geographen und ihr Markt, Braunschweig: Westermann, 1. Oplaag 1996 (rutgeven von’n Deutschen Verband für Angewandte Geographie)