Groten Heinz
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27308 | |
| Vörwahl: | 04237 | |
| Geograafsche Laag: | Koordinaten:52° 56′ N, 9° 27′ O52° 56′ N, 9° 27′ O | |
|
| ||
Groten Heinz (hoochdüütsch Groß Heins) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört de Oort to de polietsche Oortschop Heinz.
Geografie[ännern | Bornkood ännern]
De Oort liggt op de Linnelner Geest. Dat Water ut dat Rebeed flütt na de Lehrde hen af. Een Kilometer in’n Süüdwesten liggt dat Naturschuulrebeed Veerner Moor.
De Naveröörd sünd Schepinkel in’n Noorden, Sankt Pauli, Egenbossel un Lehrden in’n Noordoosten, Sievern un Idsen in’n Süüdoosten, Hamwie’e in’n Süden, Owe, Ihlden un Veernermoor in’n Süüdwesten, Goldborn un Kükenmoor in’n Westen un Gohbeek, Neenkroog, Kohlenföör, Huxhaal un Lüttjen Heinz in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort höört von öllers bi de Gemeen Heinz mit bi, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 5 Füürsteden |
| 1812[2] | 56 |
| 1824[3] | 7 Füürsteden |
| 1848[4] | 94 Lüüd, 15 Hüüs |
| 1. Dezember 1871[5] | 98 Lüüd, 16 Hüüs |
| 1. Dezember 1885[6] | 28 Lüüd, 7 Hüüs |
| 1. Dezember 1905[7] | 100 Lüüd, 18 Hüüs |
Religion[ännern | Bornkood ännern]
Groten Heinz is evangeelsch-luthersch präägt un höört to dat Kaspel von de Petrus-Kark in Kerklinneln.
För de Kathoolschen is de St.-Josef-Kark in Veern tostännig.
De Oort hett en egen lüttjen Karkhoff.
Kultur[ännern | Bornkood ännern]
An’n 1. August 2004 hett mit de Imkerstuuv en Museum för Imkeree in Groten Heinz apenmaakt.
Verenen[ännern | Bornkood ännern]
Schüttensport warrt in’n Schüttenvereen Heinz bedreven.
Weertschop un Infrastruktur[ännern | Bornkood ännern]
För Groten Heinz is de freewillige Füürwehr Heinz tostännig, de 1876 grünnt worrn is.
Verkehr[ännern | Bornkood ännern]
Dör Groten Heinz löppt de Kreisstraat 22, de in’n Süüdoosten na Idsen löppt (in’n Landkreis Heidkreis as K 126) un in’n Noordwesten na Lüttjen Heinz an de Landsstraat 171 un wieder na Bennbössel un Brouk. De L 171 föhrt in’n Noordoosten över Jeddingen na Visselhöövd un in’n Süüdwesten na Kerklinneln un Veern. Ans gifft dat noch lüttjere Straten in’n Westen na Kükenmoor an de K 13 un in’n Oosten na Lehrden, Königshoff un Stellich.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost is 13 Kilometer wied weg in’n Westen von Groten Heinz an de L 171 un de Opfohrt 27 Wasra-West 13 Kilometer in’n Süüdoosten an de B 209.
De nächste Bahnhoff is so bi 13 Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel (inricht 1873). Bet 1987 hett dat ok in Bennbössel en Bahnhoff an düsse Bahnlien geven, de veer Kilometer in’n Noorden leeg. De Bahnhoff Veern an de Bahnlien Wunsdörp–Bremen liggt 16 Kilometer in’n Westen un is inbunnen in dat Nett von de Regio-S-Bahn Bremen/Neddersassen. De Bahnhoff Wasra an de Heidbahn liggt 14 Kilometer in’n Süüdoosten.
Scholen[ännern | Bornkood ännern]
Groten Heinz harr fröher en egen Volksschool. Vondaag gaht de Kinner in Bennbössel op de Lintler Geest-School.
Literatur[ännern | Bornkood ännern]
- Willi Bunke: Us lütje Dörp. Geschichte der Ortschaften Groß und Klein Heins. Veern 2001
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 109
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 262
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180