Granny Smith

Granny Smith is en Huusappel (Malus domestica) de sien Wörteln in Australien hett. De Granny Smith is en Tofallssamling, de 1868 vun Maria Ana Smith ut Eastwood bi Sydney, Australien, opdeckt worrn is.

Maria Ana Smith is 1870 dood bleven. Twintig Johr na ehrn Dood is de Appelsort to’n eersten mol op en örtliche Gorrnbo-Utstellen as Granny Smith’s seedling vörstellt worrn. Se sülvst harr den Settling för en Holtappel (Malus sylvestris) hollen. Man nimmt vundaag an, dat de Appelsort Granny Smith en Krüzen wesen kunn ut en Settling vun den Malus sylvestris un de Pollen vun en Malus domestica. Bi 1935 rüm is de Appel in England inföhrt worrn, man eerst af 1950 is de Granny Smith as Importaaft ut de süüdlichen Halfkugel in Middeleuropa bekantn worrn.

De süerliche Granny Smith warrt geern to’n Backen un Kaken bruukt. He hett en giftgröne, licht sprenkelte Huut. To’n Wassen bruukt de Appel en hitt Klima un veel Tiet, üm vullstännig uttoriepen. Liekers de Granny Smith to de suersten Appelsorten vun all tellt, warrt he teemlich geern eten.

En Appel vun de Sort Granny Smith is butendem dat Logo vun Apple Records, dat Plattenlabel, dat vun de Beatles grünnt worrn is.