Goornkäver

Vun Wikipedia
Zur Navigation springen Zur Suche springen
Goornkäver
Goornkäver (Phyllopertha horticola)
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Kävers (Coleoptera)
Ünnerornen: Polyphaga
Familie: Scarabäuskävers (Scarabaeidae)
Ünnerfamilie: Rutelinae
Geslecht: Phyllopertha
Wetenschoplich Naam
Phyllopertha horticola
(Linnaeus, 1758)

De Goornkäver (Phyllopertha horticola) is en Käver ut de Familie vun de Scarabäuskävers (Scarabaeidae). Faken warrt he ok Junikäver nömmt, wat een ganz dör’nanner bringen kann, vunwegen, datt ok anner Kävers so nömmt weert (sunnerlich Amphimallon solstitiale un annere Kävers ut de Geslechter Amphimallon un Rhizotrogus)

Kennteken[ännern | Bornkood ännern]

Goornkävers weert 8,5 bit hen to 11 mms lang. De Deekflunken sünd hellbruun un de Rest vun dat Lief glimmert metallen swattgröön. De Föhlspriete sünd bannig kort un loopt ut in en dreedeelten Weiher. An dat ganze Lief sitt allerhand Haare an. Kopp un Bost sitt mit fiene Stippels vull. Up elk Deekflunken loopt sess Striepen langs, de bestaht ut allerhand Punkte.

Wo se vörkaamt[ännern | Bornkood ännern]

De Kävers gifft dat in Europa un Asien. Na Norden to sünd se bit in de Midden vun Fennoskandinavien un de Eilannen vun Grootbritannien to finnen. In Süüdeuropa leevt se in’e Barge. Antodrepen sünd se up Wischen un Feller, in Goorns, Hecken un an Rand vun Wolden vun’t Flackland bit in’e Barge. In Middeleuropa kümmt düsse Aart faken vör.

Wie se leven doot[ännern | Bornkood ännern]

De Deerter fleegt över’n Dag un söökt wat to freten. Se gaht an Blöder vun Eken, Hasselnöte un Barken, un an Blöten vun Kassberen un Rosen. Bloß hen un wenn mol treedt se in Massen up un schaadt denn ok de Planten. De Maibudden leevt in’e Eer un freet Plantenwuddeln. Se sünd man lüttjet un so maakt se nich veel twei. In’n Aprilmaand vun dat neegste Johr wöhlt se sik noch deeper in’e Eer rin un verpoppt sik dor. In’n Maimaand kruupt se denn as en adult Imago ut.

Goornkäver

Literatur[ännern | Bornkood ännern]

  • Wolfgang Schwenke (Rutg.) u. a.: Die Forstschädlinge Europas. Ein Handbuch in 5 Bänden
  • Fritz Schwerdtfeger: Die Waldkrankheiten. Lehrbuch der Forstpathologie und des Forstschutzes. 4.Uplage, eenmol nee overweg gahn. Parey, Hamborg u. a. 1981, ISBN 3-490-09116-7.
  • Harde/Severa: Der Kosmos Käferführer – die mitteleuropäischen Käfer. 4. Uplage. Franckh-Kosmos Verlags GmbH & Co., Stuttgart 2000
  • Jiři Zahradnik, Irmgard Jung, Dieter Jung et al.: Käfer Mittel- und Nordwesteuropas. Parey, Berlin 1985, ISBN 3-490-27118-1.

Weblenken[ännern | Bornkood ännern]

Commons-logo.svg Goornkäver (Phyllopertha horticola). Mehr Biller, Videos oder Audiodateien to’t Thema gifft dat bi Wikimedia Commons.