Gerd Christian

Gerd Christian (* 16. Juli 1950 in Griepswoold) is en düütschen Singer, de vör allen Slagers singt. Blangen siene hoochdüütschen Leder hett he ok al en Album op Plattdüütsch maakt.

Christian is 1950 in Griepswoold boren un hett dor ok Platt lehrt. 1960 is he mit sien Familie na Berlin ümtagen. He hett later en Lehr as Timmermann maakt. 1971 bet 1973 hett he an de Musikschool in Friedrichshain en Utbillung to’n Singer maakt. He hett denn bi Michael Fritzen sien Fritzens Dampferband anfungen un dor sungen. Mit dat Leed Sag ihr auch keem he 1979 dat eerste Maal in de Hitparaden in de DDR. 1980 keem denn en Album mit densülven Naam rut. Dat hett sik mehr as ene Million Maal verköfft un dat Leed is sietdem ok al faken vun annere Singers in egene Versionen opnahmen worrn. 1988 hett he för dat Noorddüütsche Festival vun dat plattdüütsche Leed Leder op Platt schreven. Welk vun disse Leder sünd ok op sien plattdüütsch Album Mien Boom steiht hier mit op, dat he 1997 rutgeven hett. 2004 weer Christian ok för de Gollen Hehn nomineert.

Alben

• Sag ihr auch. LP, Amiga, 1980
• Gerd-Christian und seine großen Erfolge. CD, Bit-Musikverlag, 1993
• Mien Boom steiht hier. CD, BT-Music, 1997
• Ich werde da sein. CD, da-music, 2003
• Sind die Lichter angezündet. CD, da-music, 2004
• Tanz mit mir. CD, 2007

Weblenken

• Websteed vun Gerd Christian (hoochdüütsch)