Georg Erich Hüpeden

Vun Wikipedia

Georg Erich Hüpeden (* 28. Juli 1758 in Hoya; † 31. Januar 1825 in Blomendal) weer en düütschen Verwaltungsbeamten.

Hüpeden is 1758 as Söhn von Eleonore Wilhelmine Justine, borene Schlemm († 27. Juli 1789), un Johann Wilhelm Hüpeden (28. September 1723-1. Februar 1782) in Hoya boren un dor an’n 30. Juli döfft worrn. Sien Broder weer Justus Hüpeden. He weer Amtsschriever bi dat Amt Harsfeld un is 1791 von dor na dat Amt Wölp wesselt.[1] Later weer he Amtsschriever bi dat Amt Rodenborg un vör 1796 bi dat Amt Horborg. Dor is he denn 1804 na’n Dood von sien Vörgänger Johann Conrad Süllow Amtmann worrn. As dat Amt Horborg 1810 Deel von dat Königriek Westfalen worrn is un de Franzosentied anfüng, is Hüpeden Ünnerpräfekt von’n Distrikt Horborg in dat Departement von de Nedderelv worrn.[2] Na dat Enn von de Franzosentied weer he later Amtmann in dat Amt Blomendal un dat Gericht Ne’enkarken.

Hüpeden hett an’n 24. Mai 1791 in de Wilhadi-Kark in Stood Louise Dorothea Hofmeister (4. Juni 1772-26. Januar 1841; Dochter von Melchior Siegfried Hofmeister) freet. De beiden harrn den Söhn Carl Erich Hüpeden (1. Juli 1803-10. April 1870). Hüpeden is 1825 doodbleven un liggt op’n reformeerten Karkhoff in Blomendal begraven.

Footnoten[ännern | Bornkood ännern]

  1. Annalen der Braunschweig-Lüneburgischen Churlande. Bänn 3-5, Pockwitz, Hannover 1791, Sied 788
  2. Augsburger Allgemeine Zeitung. 17. August 1810