Gene Sedric

Sam Wooding un sien Orchester 1925 in Berlin, Gene Sedric (vun de, de stahn doot, tweet vun links

Gene Sedric, Danny Settle, Slick Jones, Mary Lou Williams un Lincoln Mills, Upträe in The Place, New York, ca. Juli 1946.
Fotografie vun William P. Gottlieb.

Gene Sedric, eegentlich Eugene Hall Sedric, (* 17. Juni 1907 in St. Louis; † 3. April 1963 in New York City) weer en US-amerikaansch Tenorsaxophonist un Klarinettist.

He weer de Söhn vun den Ragtimepianisten Paul „Can Can“ Sedric. Bevör he 1934 bi Fats Waller einsteeg, harr he all en lütt Musikerkarriere achter sück, harr bi Charlie Creath (1922), in den Vergnögensdamperbands vun Fate Marable un Dewey Jackson, dornah in de Big Bands bi Sam Wooding (1923 bit 1934) un Fletcher Henderson speelt. 1938 entstunnen eerstmals Upnahmen ünner eegen Naam; 1943 harr he en eegen Band. In de 1940er Johren hett he ok mit Jimmy McPartland, Bobby Hackett un Phil Moore arbeit. In de 1950er Johren hett he ünner annern mit Mezz Mezzrow (1953 in Frankriek, wo he för dat Label Swing upnehm) un Conrad Janis arbeit.

Sedric gull as Meester vun den „Big Sound“, un weer de Klarinettenlehrer vun den berühmten Laien-Jazzer Woody Allen.

Diskographisch Henwiesen

• Gene Sedric 1938–1947 (Classics)

Literatur

• Carlo Bohländer u. a.: Reclams Jazzführer. Reclam, Stuttgart 1989
• Richard Cook und Brian Morton: The Penguin Guide to Jazz Recordings. 8. Uplaag, Penguin, London 2006, ISBN 0-141-02327-9

Weblenken

• DNB-Katalog
• Personennaamdatei