Günter Bernard

Vun Wikipedia
Zur Navigation springen Zur Suche springen

Günter Bernard (* 4. November 1939) is en ehmalger düütsch Footballspeler, de as Doorhöder insett weer. He is de Söhn vun de tweefacken Natschonalspeler Robert Bernard. In Böverligatieden speel he bi den 1. FC Schweinfurt 05, in de Bundsliga wunn he mit Werder Bremen 1965 de düütsch Meesterschap. He stunn ok in dat Upgebot för de düütsch natschonalmannschap bi de Football-Weltmeesterschap 1966 in England, as Düütschland Viezweltmeester wurr.

Vereensloopbahn[ännern | Bornkood ännern]

Günter Bernard fung 1954 as Feldspeler bi den 1. FC Schweinfurt 05 an, nah twee Johren wurr he denn aber Doorhöder un kemm all mit 18 Johren to sien eersten Insatz in de Böverliga Süd. As de Bundsliga hör eerst Saison starten dee, is he 1963 to Werder Bremen wesselt.

In sien eerst Bundsliga-Saison harr he völ Pech mit Besehren. Een Johr later, Bremen harr mit Horst-Dieter Höttges un Heinz Steinmann twee nee Afwehrspeler verplicht, bleev Bernhard in de Saison in 12 Spelen ahn Gegegndoor un de Mythos vun den "Bremer Beton" entstunn. Bernard hett all Bundsliga-Spelen mitmaakt un de Bremer weern an' Enn' düütsch Meester. He bleev en grooten Rückhalt bit 1968. Dornah stunn he ok wohl mal in de Kritik Wegen sien Grött harr Bernard immer weer Probleme mit de Straafruumbeherrschen, kunn dat aber dör en perfekt Stellungsspeel un en groot Ruhe weer utglieken. So kunn he sück ok gegen Klaus Lambertz, Karl Loweg un Fritz Stefens dörsetten.

Nah sein Bundsliga-Loopbahn 1974 wessel he noch to den Amateurligisten Atlas Delmenhorst. Dornah nehm he en Stäe as Generalvertreder för en Sportartikelfirma an.

Natschonalmannschap[ännern | Bornkood ännern]

Günter Bernard hettvan 1962 bit 1968 fiev Länderspelen maakt, hett aber bi wiet över 20 Spelen blots up de Bank seeten.

Erfolge[ännern | Bornkood ännern]

  • 1965 Düütsch Meister
  • 1966 Viezweltmeester
  • 1968 düütsch Viezmeester

Weblenken[ännern | Bornkood ännern]

Literatur[ännern | Bornkood ännern]

  • B.F. Hoffmann: Das große Lexikon der Bundesligatorhüter. Schwarzkopf & Schwarzkopf, Berlin 2003, ISBN 3-89602-526-0.