Free Volkspartei
De Free Volkspartei (FVP) weer een politisch Partei in de Bundsrepublik Düütschland. De Partei geev dat aber man blots ruch weg een Johr.
An 23. Februar 1956 besloot de Fraktschoon van de FDP mit Mehrheet de Upkündigung van de Regierungskoalitschoon mit de CDU/CSU un dormit de Gang in de Oppositschoon. 16 Lidmaaten ut de FDP-Fraktschoon üm August-Martin Euler as Ministerflögel oder ok Euler-Grupp, dorünner veer Ministers ut de Regierung ünner Konrad Adenauer (Franz Blücher, Fritz Neumayer, Victor-Emanuel Preusker und Hermann Schäfer) sünd dorup henn ut de FDP uttreden un hebbt de FVP grünnd.
De Fraag van Grund un Reaktschoon wurrd hüdtodag kontrovers ansehn. De Koalitschoonswessel van de FDP in Nordrhien-Westfalen nah de SPD henn as de formale Grund för dat Uttreden van de Ministerflögel, andreben dör de sogenannte Jungtörken Wolfgang Döring, Karl-Hermann Flach, Erich Mende, Hans Wolfgang Rubin, Walter Scheel und Willi Weyer, wurrd dorbi to’n Eenen as Utgangspunkt för de Koalitschoonskrise in Bonn un to’n Annern as Raektschoon up de drohend Koalitschoonskrise dör Konrad Adenauers Machtspelen mit dat Grabenwahlrecht sehn.
Anfang 1957 hett de FVP mit de Düütsche Partei (DP) fusioneert. Dormit is de FVP de eenzigst Partie in de Historie van de Bundsrepunlik Düütschland, de, ohn dat se bi een Bundsdagswahl antreden is, Lidmaat van een Regierungskoalitschoon weer un Ministers stellen de.
Eenzigst Fraktschoonsvörsitter van de FDP in Düütsch Bundsdag weer Dr. Ludwig Schneider (1. März 1956 - 14. März 1957); eenzigst Parteivösitter weer Dr. Victor-Emanuel Preusker. Bundsgeschäftsföhrer weer de fröhere NS-Funktschoonär Albert Derichsweiler.