Franz-Peter Tebartz-van Elst

Vun Wikipedia
Zur Navigation springen Zur Suche springen
Franz-Peter Tebartz-van Elst (2012)

Franz-Peter Tebartz-van Elst (* 20. November 1959 in Twisteden) is en düütschen röömsch-kathoolschen Geestlichen un Theologen. He weer Doomvikar, Doomkaplan un Wiehbischop in Mönster. Van 2008 bit 2014 weer he Bischop vun Limborg.

In' Harvst 2013 wurr he wegen düchtig steegen Baukösten för dat Diözesane Zentrum Sankt Nikolaus in dat Bisdom aber ok bundswiet kritiseert. An' 23. Oktober 2013 hett de Hillige Stohl verklort, dat Tebartz-van Elst sien Bischopsamt wegen de intreeden Situatschoon to Tiet nich utööven kunn. Man wüür hüm en Tiet buterhalv vun dat Bisdom gewähren, bit de Düütsche Bischopskonferenz (DBK) de Verantwortung för dat Anstiegen vun de Kösten prüüft harr. An' 26. März 2014 nehm Paapst Franziskus en Angebot vun den Bischop van' 20. Oktober 2013 to'n Amtsverzicht an.[1]

Familie[ännern | Bornkood ännern]

Tebartz-van Elst is dat tweede vun fiev Kinner ut en Buernfamilie ut Twisteden, wat hüdigendags en Oortsdeel vun den Wallfohrtsoort Kevelaer an’n Nedderrhien is.[2] Sien Broer Ludger Tebartz van Elst is Perfesser for Neurologie un Psychiatrie an de Universitäten London un Freiborg in’n Breisgau un bovenhen eersten Upperarzt vun de Afdeelung for Psychiatrie un Psychotherapie an dat Universitätsklinikum Freiborg.

Wo he utbillt wurrn is un wat for’n Weg he in de Karken nahmen hett[ännern | Bornkood ännern]

Sien Abitur hett Tebartz-van Elst an dat St. Pius-Gymnasium in Coesfeld maakt. Achterna hett he Philosophie un Kathoolsche Theologie studeert an de Westfäälsche Willems-Universität in Mönster un an de Albert-Ludwigs-Universität Freiborg. An’n 26. Mai 1985 is he to’n Preester wieht wurrn un in denn Kaplan wurrn in Altenberge. 1988 is he freestellt wurrn un scholl wieter studeern, unner annern vun 1988 bit 1990 an de University of Notre Dame in Indiana un in Frankriek. Vun 1990 bit 1996 weer he Doomvikar un Doomkaplan an den St. Paulus-Doom in Mönster. 1996 is he to’n theoloogschen Dokter maakt wurrn mit en Schrift to dat Thema: Der Erwachsenenkatechumenat in den Vereinigten Staaten von Amerika: eine Anregung für die Sakramentenpastoral in Deutschland. 1996 hett he en Lehrupdrag an de Universität Mönster kregen. 1998 is he dor to’n Perfesser maakt wurrn mit siene Schrift: Gemeinde in mobiler Gesellschaft: Kontexte – Kriterien – Konkretionen. Vun 2002 bit 2004 weer he Perfesser for Pastoraltheologie un Liturgiewetenschop an de Universität Passau. [3]

Wiehbischop in Mönster[ännern | Bornkood ännern]

2003 hett Paavst Johannes Paul II. Tebartz-van Elst to’n Titularbischop vun Girus Tarasii un to’n Wiehbischop vun Mönster benömmt. Wieht wurrn is he an’n 18. Januar 2004 dör Bischop Reinhard Lettmann. 2005 hett de Grootmeester Carlo Furno vun den Ridderorden vun dat Hillige Graff to Jerusalem em to düssen Orden sien Grootoffizier benömmt. Vun 2007 af an is he Ehrendoomkapitular in dat Bisdom Mönster. [4]

Bischop vun Limborg[ännern | Bornkood ännern]

Nadem dat Limboeger Doomkapitel 2007 den Paavst siene Terna kregen harr, hett dat Tebartz-van Elst to’n Bischop wählt. Paavst Benedikt XVI. hett em denn to’n neen Bischop vun Limborg beropen. Sien Vorweser as Bischop is dor Franz Kamphaus ween. [5]

Enkeld Nahwiesen[ännern | Bornkood ännern]

  1. Pressemitteilung hinsichtlich der Diözese Limburg (Deutschland), Presseamt des Heiligen Stuhls, 26. März 2014
  2. Webseite des Bistums Limburg
  3. Abschiedsvorlesung von Professor Dr. Franz-Peter Tebartz-van Elst. In: Informationsdienst Wissenschaft, 15. Oktober 2004.
  4. Lettmann verabschiedet Tebartz-van Elst. In: Bistum Münster, 25. Dezember 2007.
  5. Radio Vatikan, 28. November 2007: Der neue Bischof von Limburg - die Vita.