Frank Wright (Vibraphonist)
Dit Woort hett noch annere Bedüden: kiek dorför ünner Frank Wright.
Frank Wright (* 5. Mai 1929 in Toronto; † 16. Mai 2021 in Ottawa) weer en kanaadsch Jazzmusiker (Vibraphon, Marimba),[1] de vör allen in den Beriek vun den Mainstream Jazz tätig weer.[2]
Leven un Wirken[ännern | Bornkood ännern]
Wright hett sück in de 1950er Johren, wo he nah Geschäftssluss in den Clubs arbeiten dee, to en wichtigen Deel vun de Jazzszene entwickelt. He is regelmatig mit den Klarinettisten Henry Cuesta in den Club „Bourbon Street“ in Toronto uptreeden un hett ok mit hüm up de Jazzfestivals in Palm Springs, San Diego un Sacramento speelt. Wiederhen is he mehrfack mit de Band Garden Avenue Seven in Florida un in Portland uptreeden.
Midden vun de 1960er Johren hett Wright mit sien Trio un Gitarrist George Arthur dat Album Frank Wright Trio + One upnommen. Anfang vun de 1980er Johren hett Wright mit den Slagtüüchspeler Archie Alleyne en Quartett grüünd, dat faken in dat George’s Spaghetti House bookt wurr; mit dit Quartett, to dat Wray Downes un Steve Wallace hörrn deen, speel he 1983 dat Album Up There in. Later hett he sien eegen Trio un Quartett grünnd, mit de he regelmatig in Jazzclubs un up Festivals in Ontario Konzerte geeven dee.
Wright weer Co-Leader vun dat Canadian Jazz Quartet, dat 1987 vun Gary Benson grünnd wurrn weer; gemeensam mit Bassist Duncan Hopkins un Slagtüüchspeler Don Vickery un Gästen hemm se tonächst dat Album Just Friends (2009) herutbrocht; 2015 folg in Quartettbesetten Brazilian Reflections. Mehrfack, toletzt in 2014, is dat Canadian Jazz Quartet mit Gästen as Ken Peplowski, Warren Vaché, Harry Allen un Houston Person bi dat internatschonale Toronto Downtown Jazz Festival uptreeden.[2] As Solist vun de Bob DeAngelis Champagne Symphony weer he an mehreren Benny-Goodman-Tribute-Konzerten bedeeligt, etwa 2008 in de Carnegie Hall.
Doröver herut het Wright mit Joe Williams, Norman Amadio, Jim Galloway, Rob McConnell, Peter Appleyard un Trini Lopez tosommenarbeit un hett sück to en vun de ansehnst Jazzmusiker vun Kanada entwickelt.[1] Ehe speel bi en privaten Upträe för Prince Philip wiels en Besöök in Toronto. Tom Lord vertekent söss Upnahmen tüschen 1983 un 2011.[3] 2006 wurr Wright bi den National Jazz Awards as „Jazz-Instrumentalist vun dat Johr“ nomineert.
Wright is an’n 16. Mai 2021 in dat Humber River Hospital an de Folgen vun en COVID-19-Erkrankung in Gegenwart vun sien Kinner storven.[1]
Weblinks[ännern | Bornkood ännern]
Enkeld Nahwiesen[ännern | Bornkood ännern]
- ↑ a b c Nahroop
- ↑ a b Masters of Mainstream (2014)
- ↑ Tom Lord The Jazz Discography