Evaristus

Evaristus (* in dat 1. Johrhunnert; † wohrschienlich 105–107 in Rom) weer an de Wennen to dat 2. Johrhunnert n. Chr. en führend Gestalt in de Christengemeend Rom un wurrd traditschonell as fieft Bischop vun Rom tellt, de etwa 98–105 amteert hemm sall. In den Catalogus Liberianus, en laatantike Paapstlist, wurrd he Aristus nöömt.

Leven

Konkrete Nahrichten sünd över Evaristus nich bekannt. Sien Naam is vun greeksch Afkunft un bedüüd: der „Wohlgefällige“. Den Liber Pontificalis nah, de sien Angaven aber kien historschen Weert hemm, sall he ut en Familie mit greeksch Oorsprung stammen, aber en jöödschen Vader harrt hemm, de in Bethlehem boren weer. Evaristus keem wiels de Regeerenstiet vun den röömschen Kaiser Domitian in en führend Stellung in de Christengemeend vun Rom. De Liber Pontificalis gifft ok an, dat he Rom in söben diaconias, Diakonien, updeelt hett. He wurrd traditschonell as Merteler ansehn. Sien karklich Gedenkdag is de 26. Oktober.

Literatur

Georg Schwaiger: Evaristus. In: Walter Kasper (Hrsg.): Lexikon für Theologie und Kirche. 3. Auflage. Band 3. Herder, Freiburg im Breisgau 1995, Sp. 1067.
Friedrich Wilhelm Bautz: Euaristus (Evaristus; im Catalogus Liberianus: Aristus). In: Biographisch-Bibliographisches Kirchenlexikon (BBKL). Band 1, Bautz, Hamm 1975. 2., unverännert Uplaag. Hamm 1990, ISBN 3-88309-013-1, Sp. 1547.
Indrag in de Catholic Encyclopedia, Robert Appleton Company, New York 1913

Weblinks

Evaristus. Mehr Biller, Videos oder Audiodateien to’t Thema gifft dat bi Wikimedia Commons.

Gesamtwerk vun Migne Patrologia Latina mit Inholtsverteken
Francesco Scorza Barcellona: Evaristo. In: Enciclopedia dei Papi. Rom 2000.

Vörgänger	Amt	Nafolger
Clemens I.	Paapst 97 - 105	Alexander I.