Erwin Neher

Erwin Neher (2007)

Erwin Neher (* 20. März 1944 in Landsberg am Lech, Bayern) is en düütsch Biophysiker.

Erwin Neher un Bert Sakmann kreegen 1991 den Nobelpries för Physiologie oder Medizin för hör Entwicklung vun en Methood to den direkten Nahwies vun eenzelt Ionenkanälen in Zellmembranen. Beid Wetenschapler weern fedderführend an de Entwicklung vun de Patch-Clamp-Technik bedeeligt, de de Grundlaag för hör Opdecken billen dee.

Leven

Erwin Neher is de Söhn vun Franz Xaver Neher, Angestellter vun en Firma för Melkprodukte, un Elisabeth Neher (borene Pfeiffer), utbillt Lehrerin. He hett twee öllere Süsters. Erwin Neher is kathoolsch. He hett dat Maristenkolleg in Mindelheim besöcht. Dor weern Mathematik und Physik sien leevste Facken. Sien Jöögd hett he in Buchloe verbrocht. In sien Freetiet hett he sück för nee herutkommen Literatur to de Kybernetik interessert. Af 1963 hett Neher Physik an de TU München studeert un af 1966 mit Hülp vun en Fulbright-Stipendium an de University of Wisconsin. Den Titel Master of Science kreeg he 1967.

An dat Max-Planck-Institut för Psychiatrie in München wurr he 1970 bi Hans Dieter Lux, in de sien Labor he ok Bert Sakmann kennenlehren dee, promoveert. Af 1970 weer he ok as Wetenschapler an dat Max-Planck-Institut in Chöttingen tätig. Van 1975 bit 1976 weer he Res. Assoc. An de Yale University in New Haven, Connecticut (USA). Af 1976 harrn Neher un Sakmann tosommen an de Universität Chöttingen en Young Investigator Laboratory, wo se tosommen mit wiederen Forschern arbeiten deen.

Neher hett de Methodik vun de patch clamp-Technik to de hoochuplösend Stromregistreeren in biologischen Membranen entwickelt. He hett över Ionenkanäle in biologischen Membranen un de Sekretschoon vun Neurotransmittern un Hormonen arbeit.

He weer van 1983 bit 2011 Direktor an dat Max-Planck-Institut för biophysikalische Chemie in Chöttingen un Baas vun de Afdeelen Membranbiophysik. Sietdem is he Baas vun en Emeritus-Arbeitsgrupp.

Neher leevt in Eddigehausen un is siet 1978 mit Eva-Maria Neher, borene Ruhr, verheiraadt, mit de he fief Kinner hett, dorünner Benjamin, Carola un Sigmund as ok den Physiker und Molekularbiologen Richard Neher.

Utteknungen un Ehrungen

Neben den Nobelpreis kreeg he tallriek wiedere Utteknungen, dorünner en Ehrenprofessur in Chöttingen un teihn Ehrendoktertitel up veer verscheeden Kontinenten, as ok 1983 den W. Alden Spencer Award, 1984 den Adolf-Fick-Pries, 1986 den Louisa-Gross-Horwitz-Pries, 1987 den Gottfried-Wilhelm-Leibniz-Pries vun de Düütsch Forschungsgemeenschap, 1989 en Gairdner Foundation International Award, 1991 den Ralph-W.-Gerard-Pries un 1990 den Neddersassischen Staatspries för Wetenschap. 1989 wurr he in de Academia Europaea as ok in de National Academy of Sciences un 1992 in de American Academy of Arts and Sciences wählt, siet 1992 is he ordentlich Liddmaat vun de [[Akademie vun de Wetenschapen to Chröttingen, siet 1998 Liddmaat vun de Düütsch Akademie vun de Naturforscher Leopoldina, siet 2008 Natschonale Akademie vun de Wetenschapen. 1994 wurr he as utwärtig Liddmaat in de Royal Society upnommen. He is todem utwärtig Liddmaat vun de Natschonale Akademie vun de Wetenschapen vun de Ukraine. Vun sien Heimatstadt Buchloe hett he de Ehrenbörgerwürde tospraaken kreegen.. 2004 kreeg he todem den Karl-Küpfmüller-Ring vun de Technische Universität Darmstadt.

Warken (Utwahl)

• Elektronische Meßtechnik in der Physiologie. 1974.
• Single Channel Recording. 1983.
• als Mitherausgeber: Journal of Physiology. London.
• Ionenkanäle für die inter- und intrazelluläre Kommunikation. In: Angewandte Chemie. Band 104, 1992, S. 837–843 (Nobelpreis-Vortrag).
• mit Bert Sakmann: Die Erforschung von Zellsignalen mit der Patch-Clamp-Technik. In: Spektrum der Wissenschaft. Band 5, 1992, S. 48–56.

Literatur

• Gisela Baumgart: Neher, Erwin. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin/New York 2005, ISBN 3-11-015714-4, S. 1029.
• Neher, Erwin. In: Walter Habel (Hrsg.): Wer ist wer? Das deutsche Who’s who. 24. Ausgabe. Schmidt-Römhild, Lübeck 1985, ISBN 3-7950-2005-0, S. 885.

Weblinks

Erwin Neher. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog
• Homepage der Emeritusgruppe Erwin Neher am Göttinger MPI für biophysikalische Chemie
• Indrag up de Sieden vun den Nobelpries un Nobel Publikation (engelsch; PDF; 419 kB)