Erich J. Fuchshuber
Erich J. Fuchshuber (* 29. April 1945 in Eislingen/Fils; † 9. September 1990 in Achem) weer en düütschen Politiker von de CDU.
Fuchshuber is 1945 in Eislingen boren. He hett dat Abitur in Göppingen maakt un is 1966 na de Bundswehr gahn. He weer dor bi de Luftwapen un hett sik in de USA as Fleger utbillen laten. He weer denn bi de Floogafwehr.
Fuchshuber is 1963 Maat von de CDU worrn, weer Vörsitter von’n CDU-Stadtverband Cuxhoben un in’n Vörstand von CDU-Kreisverband Cuxhoben. He weer Vörsitter von de Sellschopspolietsche Vereenigung för överparteiliche Öffentlichkeitsarbeid e.V. un Maat von’n Opsichtsraad von de Stadtwarken Cuxhoben. Fuchshuber weer in’n Zweckverband Liddmaat von den Utschuss von’n Elektrizitätsverband in Stood.
He weer siet 1976 Raadsherr in Cuxhoben un siet 1981 Vörsitter von de CDU-Raadsfrakschoon. He weer ok Biornten un Vörsitter von’n Utschuss för Weertschop un Havens bi’n Raad von de Stadt Cuxhoben. 1981 is he as Kreisdagsafornten in’n Landkreis Cuxhoben wählt worrn.
Fuchshuber weer von’n 21. Juni 1982 bet to sien Dood an’n 9. September 1990 (teihnte bet twölvte Wahlperiood) Maat von’n Landdag von Neddersassen. Bi de Wahlen 1982 un 1986 is he för den Wahlkreis Cuxhoben wählt worrn un 1990 över de Landslist in’n Landdag intagen. Fuchshuber is an’n 9. September 1990 in de Neegd von Achem bi en Autounfall doodbleven, as he op’n Weg von Cuxhoben na Hannover weer. För em is Jürgen Sikora in’n Landdag narückt.