Erhard Asmus

Vun Wikipedia

Erhard Asmus (* 1. Oktober 1907 in Rendsborg; † 29. Juni 1978 in Rendsborg) weer en plattdüütschen Schriever.

Asmus is in Rendsborg boren un dor ok op Volksschool un Middelschool wesen. Den Afsluss kunn he aver nich maken, de Familie fehl Geld. Asmus föhr denn gegen den Willen vun siene Öllern as Schippsjung to See un is later bet to’n Offizier opstegen. Vun wegen, dat he sik an de Ogen verletzt harr, höör he as Seemann op un keem 1933 na Rendsborg trüch un hett bi de Stadtwarken arbeidt. Vun 1939 bet 1945 dee he noch wedder Deenst bi de Marine un föhr op Snellbööd un Minensökers. Vun 1935 bet 1950 weer he Schauspeler bi de Nedderdüütsche Böhn Rendsborg. 1950 grünn he mit de Rendsborger Speeldeel en egen Böhn, to de he bet 1955 hören dee. 1950 hett he ok anfungen egene Stücken to schrieven, de noch hüüt faken opföhrt warrt.

Warken[ännern | Bornkood ännern]

  • Revolutschon op Ol´ndeel : Een Buernkumödi in dree Optög. (1949)
  • De ole Fischfroo : Volksstück in dree Törns. (1953)
  • De Schelm vun Möölbrook : Een lustig Spill in dree Törns. (1954)
  • Verdreihte Verwandtschaft : Buernkomödie in dree Törns. (1954)
  • De Droommilljonär : Een lustig Spill in veer Törns. (1955)
  • Düwelsdreck : Een lustig Spill. (1956)
  • Mine Tante - tine Tante : Een lustig Spill in dree Törns. (1957)
  • Qualm bi Quees : Een lustig Füerwehrspill in een Törn. (1957)
  • De Kummerkasten : Een lustig Spill in een Törn. (1957)
  • De Schelm van Müehlenbrook : En lustig Spiell. (1957)
  • Mine Tante - dine Tante : En lustig Spiell. (1964)
  • Donner un Doria : lustig Spill in een Törn. (1965)
  • Wer hett, de hett! (1965)
  • We hät, de hät : En lustig Spiell in drei Uptöge. (1967)
  • Verdreihte Verwandschopp : Een lustig Spiell in drei Uptöge. (1970)

Weblenken[ännern | Bornkood ännern]