Ellsworthland
Dat Ellsworthland is ene Regioon in Westantarktika. Dat Land streckt sik vun dat süüdlichste Stück vun dat Antarktsche Halveiland (Palmerland) un den Filchner-Ronne-Schelfies bet to’n Queen Elizabeth Land in’n Oosten un bet to’n Marie-Byrd-Land in’n Westen un liggt twüschen 103° 24′ W un 79° 45′ W. Gegen Noorden hen begrenzt de Bellingshausensee dat Ellsworthland.
De Regioon is een Stück Hoogland, dat in’n Snidd 2000 m hoog un mit Inlandies bedeckt is. Uut dat Ieschild reckt sik de Ellsworthbargen mit den Mount Vinson, de höögste Barg in Antarktika, in de Höögd. De US-amerikaanschen Forscher Lincoln Ellsworth weer 1935 de Eerste, de över dat Rebeed flagen is. He het den Landstück na sienen Vader James W. Ellsworth Land den Naam „Ellsworthland“ geven.[1]
Grenz twüschen Ellsworthland un Antarktsch Halveiland
[ännern | Bornkood ännern]Bet 2009 gull internatschonaal een Lien vun dat Kap Adams (wat so üm un bi de Kant vun dat Filchner-Ronne-Schelfies kennteken)[2] bet to enen Punkt an de English-Küst bi ,[3] güntsieds den Eklund-Eilannen[2] för de Süüdgrentz vun dat Antarktsche Halveiland. Man 2009 het Grootbritannien de Süüdgrenz nee fastleggt: Nu gellt een Lien vun dat Rydberg-Halveiland bi bet to den Punkt, wo de Evans-Iesstroom op’n Seegrung opsetten doot (engelsch grounding line, hoochdüütsch Aufsetzlinie) bi as nee’e Süüdgrenz.[3] Anner Staten blievt man bi de olen Grenzen, so dat nu een Deel na brietsche Sicht al in dat Palmerland liggt, man to’n Bispeel na US-amerikaansche Sicht noch jümmers in dat Ellsworthland liggt.[2]
Footnoten
[ännern | Bornkood ännern]- ↑ Ellsworth Land in dat Geographic Names Information System von’n United States Geological Survey (engelsch)
- ↑ a b c Antarctic Peninsula in dat Geographic Names Information System von’n United States Geological Survey (engelsch)
- ↑ a b Antarctic Peninsula. Archiveert von dat Original; afropen an’n 3. November 2017 (engelsch).