Ellerbrook (Buxthu)

Vun Wikipedia
(wiederwiest vun Ellerbrooktunnel)
Zur Navigation springen Zur Suche springen

De Ellerbrook (hoochdüütsch Ellerbruch) is en Deel von Ooldklooster in de Gemeen Buxthu in’n Landkreis Stood, Neddersassen.

Geografie[ännern | Bornkood ännern]

De Ellerbrook is dat siede Land langs de Eest, dat twüschen de Geestrebeden in’n Westen un Oosten liggt.

De Öörd ümto, bevör in dat 20. Johrhunnert de Öörd all mit Buxthu tohoopwussen sünd, weren Ooldklooster in’n Westen, de Binnenstadt von Buxthu in’n Noorden, de lüttjen Öörd von Brillenborg, de Sanneree, de Lümbörger Schanz un Oostmoor in’n Oosten, Eindörp in’n Süüdoosten un Ottens in’n Süüdwesten.

Historie[ännern | Bornkood ännern]

Bi Ellerbrook an de Eest leeg de Poppeermöhl Ooldklooster.

Eerst in dat 19. Johrhunnert sünd en ganze Reeg Hüüs in’n Ellerbrook boot worrn un de Oort is so groot wussen, dat he as en separaten Deel von Ooldklooster ansehn worrn is.

As in dat 20. Johrhunnert de Autoverkehr jümmer mehr tonahmen hett un de Nedderelvbahn ahn Bahnövergang quert warrn schull, is von 1983 bet 1987 de Ellerbrooktunnel anleggt worrn, de de ole Stoder Straat (fröher Deel von de Bundsstraat 73) mit de nee anleggte Hansestraat un de Konrad-Adenauer-Allee verbinnen deit.[1] Vondaag (Stand 2018) föhrt jeden Dag 17.800 Fohrtüüg över de Hansestraat un den Ellerbrooktunnel.[1]

Verwaltungsgeschicht[ännern | Bornkood ännern]

Dat Amt Oold- un Neeklooster is an’n 1. Juli 1823 oplööst worrn un weer denn bet 1852 Deel von dat Amt Harsfeld. In dat Johr is de Oort in dat Amt Hornborg wesselt. Dat Amt Hornborg is aber blots bet 1859 bestahn bleven un Ooldklooster hett denn wedder to dat Amt Harsfeld höört. Mit’n 1. April 1885 is dat Amt oplööst worrn un de Oort is Deel von’n Kreis Stood worrn. 1932 is dat Deel von’n ne’en, grötteren Kreis Stood worrn.

Ellerbrook is as Deel von Ooldklooster 1931 an de Gemeen Buxthu kamen.

Inwahnertall[ännern | Bornkood ännern]

Johr Inwahners
1871-12-011. Dezember 1871[2] 261 Lüüd. 16 Hüüs

Religion[ännern | Bornkood ännern]

De Ellerbrook is evangeelsch-luthersch präägt un höört to dat Kaspel von de St.-Petri-Kark in Buxthu.

För de Kathoolschen is de St.-Marien-Kark in Buxthu tostännig.

Footnoten[ännern | Bornkood ännern]

  1. 1,0 1,1 Als der Buxtehuder Bahnhof noch Schranken hatte, Stader Tageblatt an’n 11. Februar 2018
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141


Koordinaten:53° 28′ N, 9° 42′ O