Edwin Foster Coddington

Vun Wikipedia
Zur Navigation springen Zur Suche springen
Opdeckte Asteroiden: 3
(439) Ohio 13. Oktober 1898
(440) Theodora 13. Oktober 1898
(445) Edna 2. Oktober 1899
Edwin Foster Coddington

Edwin Foster Coddington (* 24. Juni 1870 in Miami County, Ohio, USA; † 21. Dezember 1950 in Columbus (Ohio), USA) war ein US-amerikaanschen Astronom un Mathematiker.

Leven un Wark[ännern | Bornkood ännern]

Coddington studeer an de Ohio State University in Columbus, woneem he 1897 sien Afsluss maakt hett. Dorna güng he för veer Johren an de Lick-Steernwacht. In de Tiet dor hett he dree Asteroiden un den Komet C/1898 L1 (Coddington-Pauly) opdeckt. Bekannt is ok sien Opnahm vun den Andromedanevel, wiel he in dat Steernbild Groot Boor en ne’en Nevel opdeckt hett, de de Beteken IC 2574 kregen hett, later aver ok as Coddington-Nevel betekent weer.

1902 hett Coddington an de Universität Berlin sien Dokter maakt. He güng torüch in de USA, woneem he en Hülps-Professur för Mathematik an de Ohio State University kreeg. 1925 is he Professer för Mechanik worrn un hett bit to sien Rohstand 1940 vör allen op dat Feld vun’t Ingenieurswesen in de Geodäsie arbeit. He hett verschedene Verfohren vun de Vermeettechnik ünner Inbetehn vun de Sünn un de Steerns entwickelt.

Coddington is an’n 21. Dezember 1950 in Columbus, Ohio, doodbleven.

Weblinks[ännern | Bornkood ännern]