Eberhard Buismann

Vun Wikipedia
Zur Navigation springen Zur Suche springen

Eberhard Johann Albrecht Buismann (* 20. Mai 1879 in Süderneuland II bi Nörden; † 15. März 1957) weer en düütsch Auktschonater un Politiker.

Leven[ännern | Bornkood ännern]

Buismann wurr as Söhn vun den Buer und Gemeendvörsteher Johannes Buismann un de sien Frau Johanna boren. Nah den Besöök vun de Volksschool hett he af 1894 bi den Königlich Preußischen Auctionator Heinrich Symens in Pewsum en Lehr maakt. Nahdem he de afslooten harr, hett he eerst bi twee Auktschonatoren un dornah in en Afkaatenkanzlei in Esens arbeit. 1908 hett he sück as Auktschonater sülvstännig maakt.

He weer in eerst Ehe mit Andrea Sieverta Lüst verheiraadt, mit de he dree Kinner harr. Sien tweet Frau weer Hermine Mammen, mit de he noch twee Söhns harr.

Politik[ännern | Bornkood ännern]

Buismann hörr de Bekennen Kark an un weer to Nazi-Tieden immer mal weer Opper vun Druck un Straaf. He verlor all Ämter, de he bit dorhen harr, un wurr ok to Geldstraaf veroordeelt.

Nah dat Kriegsenn 1945 wurr he vun de kanaadsch Besetter in Esens weer in politisch Ämter insett. He wurr ehrenamtlich Börgermeester vun Esens un weer van 8. April bis 31. Oktober 1946 Landraad vun den Landkreis Wittmund. He weer de eenzig Landraad in Oostfreesland, de kien Verwaltensbeamter weer. Üm disse Tiet rüm, hett he ok völ Leumundstüügnisse för de Entnazifizeerensverfohren utstellt. As en ehrenamtlich Landraad för den Landkreis Wittmund wählt wurrn sull, is he aber ut gesundheitlich Grünnen nich antreden, sonnern hett Reinhard Onken den Vörträe laaten.

Dornah hett he bit to sien Dood weer as Auktschonater arbeit.

Born[ännern | Bornkood ännern]