Diskuschoon:Zittens

Naam

De Naam von’n Oort warrt op Platt Zittens utspraken un nich as eenfach S as in dat Verb sitten. Dat is ok al in de öllsten Oorkunnen ut dat 11. Johrhunnert to sehn: dor heet dat Chessinhusen. Dat is wohrschienlich en olen Zetazismus. Wenn een na "Zittens" "hett" googelt, denn is dor ok en Reeg Sieden to finnen, de dat so bruken doot.

Ik heff dorüm vör, den Artikel to schuven. Bevör ik dat do, will ik dat hier aver eerst ankünnigen, dat ji dor wat to seggen köönt. Sünd en ganzen Hümpel Sieden to ännern un dat weer schaad, wenn dat naher allens trüggännert warrn mutt. --::Slomox:: >< 17:01, 21. Aug. 2015 (CEST)

Dor hest du woll recht. De Utspraak is op Platt Zittens, da is richtig. Ik sülvt finn de Schrievwies mit Z nich so schön, aver ik heff jüst noch mol in de Woonster Chronik keken un dor ok de Schrievwies mit Z funnen. Mach also woll wohnhaftig beter wesen dat to schuven. Ik meen, dat ik de Oort mit S ok al fakener sehn harr, to'n Bispeel op Plakaten vun dat Palttdüütsche Theater. Aver seker bün ik mi dor nich. --Iwoelbern ✍ 19:48, 21. Aug. 2015 (CEST)

Ik hebb Zittens noch nie nich höört. Aver ik wohn ja ok wieter weg...Ik meen, wi schollen dat so maken, datt de Lüde, de dor wohnen doot, inverstahn sünd. --Bolingbroke ✍ 13:13, 22. Aug. 2015 (CEST)

Ik heff noch mol een fraagt, de bi de plattdüütsche Speeldeel mitmaakt hett. He meen, he harr dat mit S schreven, vun wegen dat een dat beter kennen deit (ut dat Hoochdüütsche), aver de Schrievwies mit Z hett he ok al sehn. Na mien Geföhl dücht mi, dat beide Schrievwiesen bruukt warrt. Z passt vun de Utspraak her woll beter. Ik künn mi vörstellen, dat dat vör allen de jüngeren Lüüd sünd, de eher mit S schrieven doot. --Iwoelbern ✍ 13:54, 22. Aug. 2015 (CEST)

PS: He hett sik noch wat ümkeken un in en Book vun den Heimatkunnigen Hermann Tödter wat över'n 2. Weltkrieg funnen. Dor schrifft he wat över Zitt'ns. Wat vun de Utspraak ok goort passen deit – dat e blifft stumm. --Iwoelbern ✍ 14:10, 22. Aug. 2015 (CEST)

Denn schuuv ik dat nu. De Redirect blifft ja bestahn. --::Slomox:: >< 14:25, 27. Aug. 2015 (CEST)