Diskuschoon:Tiet

Moin. Schrieven ji dat al wiß mit'n "t" an't Enn? Wo seggen ji denn dann to de Mehrtahl? "Tieten"? Bedankt. Termo 11:34, 31. Okt 2006 (CET)

So heff ik dat al in veele Artikel seehn. Dat Tied warrt bruukt för Ebbe un Floot. --Iwoelbern 12:01, 31. Okt 2006 (CET)

Jau, dat steiht hier faken, darum fraag ik. De Mehrtahl is na mien Menen "Tieden", daarum wunner ik mi, dat de Eentahl mit "t" schreven word. Un dat anner, dat is bi uns de "Tide" of blot de "Ti". Mag ja wesen, dat dat annerwaars "Tied" nömt word, man mit de "Tiet" kann ik mi so gaar nett fünnelk maken. Dat löpt tegen mien Spraakverstahn. Un daarum fraag ik, of ji dat ok buten de Wikipedia in jo Kuntreien mit "t" schrieven. Termo 12:08, 31. Okt 2006 (CET)

Bi uns to Huus seggt wi ok „Tieden“, ober man meer wegen dat Utsnacken. Schrieven do ik buten de Wikipedia keen Platt, ober ut't Geföhl rut harr ik dat woll doch mit t schreven. --Iwoelbern 12:14, 31. Okt 2006 (CET)

Ik harr dat ok ehrder Tied schreven vun dat Spraakgeföhl. Aver de Sass seggt kloor Tiet. Dat Argument is: Denn fallt dat de hoochdüütsch wennten Lüüd lichter, den Sinn to verstahn. Un en tweet Argument kann dat wesen, wat Termo al andüüdt hett, bi Wöör op -d fallt faken dat -d bi't Snacken weg. De Tie’, de Lü’, ’n go’en Mann. Bi Tiet passeert dat nich. So kannst de Wöör beter utenannerholen. Aver dit twete Argument will ik man lever nich so dull betonen, denn Sass is wiet dorvun af, dat kunsequent to maken. --::Slomox:: >< 15:08, 1. Nov 2006 (CET)