Diskuschoon:Reaktor (Grupp)

Vun Wikipedia
Zur Navigation springen Zur Suche springen

Mol wedder en (Warf)-Artikel vun een, de sik dat Plattdüütsch ok blots tohopenschostert hett. Wüllt wi so wat bi tokamen Artikels wieter akzepteeren? Ik heff keen Lust mehr, jümmers achteran to rümen... --Iwoelbern 09:08, 20. Aug. 2010 (CEST)

De Artikel is man kort, aver ok nich so slecht, dat de nu weg mutt. Wenn dat blot nödig is, de ruge Spraak en beten gladdtostrieken (veel Opwand is dat in dissen Fall ja nich), denn is mi en korten Artikel lever as gorkeen.
Wenn aver de Fakten in'n Artikel nicht wohr sünd (vonwegen dat de Schriever von de Spraak rein nix afweet un bi't Tohoopschoostern in'n Tüdel kamen is), denn is wegdoon beter as bi elk enkelt Fakt nakieken wat dat ok richtig is. --::Slomox:: >< 12:45, 20. Aug. 2010 (CEST)
De Spraak hett Eastfrisian al glattstreken in de Twüschentiet. Nee, veel Opwand is dat nich in’n enkelten Fall. Kummt aver fakener mol vör, dat een meent sien Kraam rinsetten to möten, ofschoonst he de Spraak nich kennt. Stahn laten kannst dat tomeist nich, also mutt een dorbi un dat naarbeiten. Dat is nich jüst ’n feine Oort, finn ik. --Iwoelbern 13:01, 20. Aug. 2010 (CEST)
Ik meen, dat Beste is, de Eerste vun us, de so'n Aart Artikel kunnig warrt, geiht a) bi un översett dat (wenn he dor Lust to hett) oder smitt den b) weg (wenn he dor keen Lust to hett). Stahn laten geiht nich, denn vergeet wi so'n Artikel amenne. Anners weer ok mööglich, dat unner Wegsmieten up to nehmen. Denn harr jedereen de Chance, dor noch mol bi to gahn. Man bi Wegsmieten blievt unosel Artikels fökener mol tämlich lange stahn, wieldatt dor numms mehr henkiekt. Also: Ik weer för Wegsmieten oder Översetten.--Bolingbroke 14:49, 20. Aug. 2010 (CEST)
Mach dat beste wesen, wenn wi dat op den Weg maakt, un den Wegsmieten-Bosteen rinsett. Dat is wenigstens ok’n Teken an den Rinsetter, dat wi disse Oort vun Artikel-Wunsch nich goot heten doot. Nix anners is dat opletzt. De Wegsmieten-Siet müss denn even fakener mol nakeken warrn. Ik denk, de meisten Artikels blievt dor so lang in stahn, vun wegen dat nümms ’n Kommentar dorto schrieven deit. Kann man jo ok ’n Frist setten: Allns wat 4 Weken dorin stahn hett, warrt afarbeit. Un wenn keeneen wat dorto seggt hett, denn schall de nächste dat evens somaken, as he dat denkt. --Iwoelbern 16:28, 20. Aug. 2010 (CEST)