Diskuschoon:Puus

Vun Wikipedia
Zur Navigation springen Zur Suche springen

Wo warrt egentlich Puus dorto seggt? Ik kenn dat mehr ünner den Begreep Puns. De Puus is bi uns dat Woort för hoochdüütsch „Pause“. --Iwoelbern 18:00, 29. Mai 2008 (CEST)

Dor seggt wi nu wedder "Fofftein maken" oder "sik vermünnern" to, oder ok mol "Pause"...Ik kiek ja ummer geern bi Hermann Böning na. De hett bi Puus stahn: Lockruf für die Katze. Na ja, amenne hett dat ja wat mit'n Lockruf to doon...--Bolingbroke 18:08, 29. Mai 2008 (CEST)
Fofftein maken warrt ok seggt bi uns, aver nich so faken. Gifft ok ’n feine Kneipe, de Foffteihn heet... --Iwoelbern 18:19, 29. Mai 2008 (CEST)
Naja, pussy(cat), Muschi, chatte, dat kummt ja allens vun Katt. Fraag mi nich, wat de Lüüd dorto dreven hett, Katten un de annern Dinger to verbinnen, aver dat is temlich wied verbreedt.
Foffteihn maken kannst allens beids to seggen: Paus(e) na dat hoochdüütsche un na dat latiensche Original (pausare) un Puus(e) (över franzöösch pose). Bi uns heet dat ok Puus. En beten rinspeelt hett dor wohrschienlich ok sik verpuusten/sik verpußen.
Dat Woord Puus is övrigens ok direkt verwandt mit de engelsche pussy. Sien Richtigkeit hett dat also. --::Slomox:: >< 18:25, 29. Mai 2008 (CEST)
Wat de Lüüd dorto dreven hett? Nu jo, to’n een sünd Katten sööt, op de annern Siet hebbt se Krallen un dresseren kannst jem ok nich... Dat is eenfach blots ’n rhethoorsch Figur för de Fro: Pars pro toto... Na goot, passt nich recht tohopen, höört sik aver doch eerstmol ganz sinnig an.
Bruukt wi dor nu en Gavelsiet för den Begreep, wenn Puus ok as Pause begäng is oder leggt wi dat ünner en anner’t Lemma af? --Iwoelbern 18:31, 29. Mai 2008 (CEST)

"Pause" kenn ik blots as "Paus". Allenfalls över "Verpusten" kann ik dor en Verbinnen herstellen. Eastfrisian 20:35, 27. Jul. 2009 (CEST)

Synonym[Bornkood ännern]

In Schütze sien Holsteensch Idiotikon, Deel 3, S. 15, heff ik noch dissen Indrag funnen: Latsch: eine Schmarre, Ritze, Schnitt, wie Flatsch, daher man (Ditm.) das weibliche Geburtsglied so benennt.

Schriev ik hier blot op, dat ik dat dokumenteert heff (un bi Gelegenheit lichter wedderfinnen kann). In'n Artikel bruukt dat woll nich rin (tominnst nich solang wi noch mehr Beleeg' finnt). --::Slomox:: >< 18:49, 27. Jul. 2009 (CEST)

Smuddelwoort[Bornkood ännern]

Amenne hefft wi hier en Smuddelwoort för'n Lemma nahmen. Schöllt wi dat nich lever schuven na Scheed (Anatomie) hen? --Bolingbroke 13:15, 12. Sep. 2009 (CEST)

Nee, dat is nich de Scheed (dorför heff ik den Begreep Vagina nahmen), mit Puus is de Vulva meent, also blots, wat buten to sehn is. --Iwoelbern 13:52, 12. Sep. 2009 (CEST)