Diskuschoon:Nirvana (Grupp)

Vun Wikipedia
Zur Navigation springen Zur Suche springen

Wat is dat egentlich för'n sünnerboren Satzbo? De Grupp dee verschedene Drummers kennen, ünner wölke Dave Grohl, de 1990 bi de Grupp keem, un de de längst to sitten weer. "de de längst to sitten weer" – wat schall dat denn heten? De Grupp dee sick sülvst beglieken – wat heet beglieken in dissen Tosamenhang? unverwacht Succes – "Succes" is doch keen plattdüütsch Woort! verkehrt wörrn interpreteert dörch dat wiede Publiek dat he dee mit jüm drütt Album In Utero (1993) fördern – ??? Dat Gesang "You Know You're Right" – schall Gesang hier "Leed" heten? Ik warr dor nich klook ut. --Iwoelbern 16:39, 21. Nov. 2013 (CET)

Dat höört sik so an un sütt so ut, as wenn dat een ut de Nedderlannen weer, de dat schreven hett. "succes" is en nedderlannsch Woort un warrt sachs ok bi de nedderlannschen Plattsnackers bruukt. De Satzbo dücht mi ok wat Nedderlannsch. Dat kummt dor vun, dat ok achter de Grenz noch Platt snackt warrt, man dor unner Nedderlannschen Indruck. --Bolingbroke 11:35, 22. Nov. 2013 (CET)
Wenn dat noch Plattdüütsch is, denn schall dat woll so wesen. De Bruker ännert to Tiet veel in annere Artikels rüm. Ik weet nu nich, wat dat allns so sien Richtigkeit hett. --Iwoelbern 11:50, 22. Nov. 2013 (CET)
Ik glööv nich, dat Stardsen ut de Nedderlannen kummt. Höört sik mehr so as, as wenn he nich mit Platt opwussen is, aver liekers later Intress an dat Plattdüütsche funnen hett un nu en Platt schrifft, dat he mit Stücken ut dat Nedderlandsche un Middelnedderdüütsche so utstafferen will (mit dat Nebenziel: mööglichst veel Afstand to dat Hoochdüütsche), dat dat Plattdüütsche grammatikaalsch jüstso flexibel warrt as annere modeerne Spraken. --::Slomox:: >< 12:08, 25. Nov. 2013 (CET)
Könnt wi nich mol bi de Nedersaksen fragen? Ik kenn mi mit de ehre Dialekte ok nich so ut...--Bolingbroke 20:15, 25. Nov. 2013 (CET)