Diskuschoon:Maurismaur

Moor/Maur

Is dat nich en beten overdreben, de Utspraak Maur for Moor nu ok dal to schrieven? Wenn wi dor allerwegens so bigungen, dat allens phoneetsch upschreven warrt, denn is tolest en plattdüütschen Text nich mehr to lesen. Mutt nich de Schrievwiese vun de Utspraak mehr oder minner ut'neen holen weern? Mutt se nich, sotoseggen, en groten Schoh ween, wo ganz verscheden plattdüütsche Fööt rinpasst? Normolerweise hoolt wi us ja ok an en enigermaten eenheitliche Schrievwies, blot bi de Oortsnaams fallt dat denn doch wedder ganz ut'neen... --Bolingbroke ✍ 19:30, 11. Jan. 2012 (CET)

Ik heff dor bi't Anleggen von'n Artikel ok över nadacht. Op de een Sied wüllt wi de Naams in de Form bruken, as se vör Oort bruukt warrt. Op de anner Sied schall dor liekers en beten System in blieven. Bi dissen Oort is dat man so, dat wi bloot een Born för den Naam hebbt un de Born bruukt Maurismaur. Un denn kummt dor noch to, dat de Etymologie nich kloor is. De hoochdüütsche Naam is Moorausmoor, aver de Naam sett sik nich tohoop ut Moor + aus + Moor, denn ans harrn wi in'n plattdüütschen Naam ja en t. Villicht is de eerste Deel nich Moor + aus man Morast. Oder noch wat anners. Ik kann dor keen Oordeel över fällen un ik kenn ok de Originalutspraak vör Oort nich. Villicht verfälsch ik den ganzen Naam, wenn ik dor nu Moorismoor von maak. Un dorüm bün ik lever bi de Schrievwies bleven, de de Born vörgeven hett. --::Slomox:: >< 20:36, 11. Jan. 2012 (CET)

1795

Ik bün nülich dör dat Dörp kamen un dor stünn en Steen mit dat Wapen un den Text "200 Jahre. 1995". De Kröönk is ok 1995 rutkamen. Ik heff söcht, aver nich funnen, wo sik düsse "200 Jahre" op beteht. Versöök ik ruttokriegen. Ut'n Artikel heff ik dat noch rutlaten. --::Slomox:: >< 21:11, 10. Okt 2014 (CEST)