Diskuschoon:Maiboom

Seiteninhalte werden in anderen Sprachen nicht unterstützt.
Vun Wikipedia

Also bi uns warrt de Maibööm to Pingsten opstellt. Un denn kene groten Bööm zentral in Dörp, man lüttje Bööm, Barken, vör de Hüüs vun de jung, unverheiradt Froonslüüd (un bi welk anner Lüüd). Schall dor en egen Artikel vun maakt warrn oder schall dat hier mit rin? Löppt ja ganz anners af un afsehn vun de twee Saken Mai (Pingsten) un Boom is dor ja kene grote Snittmengd. --::Slomox:: >< 16:14, 18. Apr 2007 (CEST)

..Bi uns warrt de Bööm ok Pingsten opstellt, un disse lüttjen bööm warrt ober ok Pingstbööm neumt. --Knabbe 16:25, 18. Apr 2007 (CEST)

Pingstboom warrt ok seggt, aver mehrsttiets vun Lüüd, de dor en Problem mit hebbt, dat dat Maiboom heet, ofschoonst de doch Pingsten opstellt warrt, wat faken eerst in Juni is ;-) --::Slomox:: >< 16:34, 18. Apr 2007 (CEST)
Wat ick seegen wull, is, dat för mi Maiboom un Pingstboom twee verschedene Saken sünd. De Maiboom is in dissen Artikel beschreben. De Pingstboom is lüttje Bööm vör de Hüüs vun jung, unverheiradt Froonslüüd. --Knabbe 09:45, 19. Apr 2007 (CEST)
Jo, aver wenn du Pingstboom oder Pfingstbaum bi Google ingiffst, denn kaamt dor ok wedder grote Bööm. Un wenn ik dat richtig seh, denn gifft dat ok lüttje Bööm, de to'n 1. Mai opstellt warrt. Dat helpt also nich to'n Ünnerscheden. Beid Wöör geiht för beid Saken. Un bi uns warrt de Bööm an Pingsten opstellt un doch Maibööm nöömt. --::Slomox:: >< 15:39, 19. Apr 2007 (CEST)
Jo, denn mutt man hier wohl beide Saken verkloren. --Knabbe

[...]

Nu wull ik dor Antwoort op geven un nu is't al wedder weg. Hett dat en besünnern Grund? Hier liekers mien Antwoord:
Süh, al dree Mann ut Kreis Stood hier. Knabbe is ut Düünbödel, ik bün ut Brobargen. Un gifft doch al allerhand Ünnerscheed. Wi föhrt eerst Sünnavend los un haut uns Bööm (sagen kummt för uns nich in Fraag, dor warrt de Ext för bruukt). Sünd jümmer so bi 50 Stück. De warrt denn in'e Nacht bi de jungen Deerns, bi Geschäftslüüd (ok bi Lüüd, de'n Meester hebbt) un överall, wo wi geern een vertehrt, opstellt. Un annern Dag, Pingstsünndag, gaht wi op Runn dör't Dörp un 'harkt' de frische Eerd üm de Bööm rüm. Un kasseert. En lütten Obolus för de Kass un en groten Obolus för'n Hals. Busch an'e Hüüs hebbt wi ok.
Buddeln binnt wi blot in de beiden groten Bööm, de bi de Gasthüüs in Gröpel un Brobargen opstellt warrt (bi 50 Bööm un 15 Mann kriegt wi nich noog Buddeln för jeden Boom tohoop ;-) dee ans en gresig Wekenenn warrn...). De beiden Bööm sünd ok de eenzigen, de to Dagtied opstellt warrt. De annern all in'e Nacht. De mööt stahn, wenn de Lüüd opstaht, dor kickt nüms to.
So is't överall wedder en beten anners. --::Slomox:: >< 15:03, 23. Jan. 2009 (CET)[anter]

No min dünken is dat mit de Pingbööm Regional ünnerscheidlich . Ik wohn in Kreis Stoo (Stade) ob de Geest sou in de Geigend von Ohlers.Hier ward von de Dörpjungs n Wogen vull mit Barken (Birken _ Oder op Platt ok Bessenriesbäum )afsoocht . De sünd soe houch dat se dee man jüs noch wuppen künnt . An Pingsenobend geiht dat denn geigen Obend lous.Dat " Pingsboomplanten " . Jede Gschäftsmann kricht een .Dor ward een Lock vörn Huus mokt un de Boom drvörlecht.Nu mutt de Husherr n BuddelKööm spendiern . Wenn dee utdrunken is ward de lerige Buddel boben an een Twiech anbunn´n . Und denn geiht de Boom mitveel gejouhls un hallou houch . Wenn he denn ollich steiht gifft dat noch´n poor Beer,denn de Jungs brukt Krosch vör de annern BöömAn uns Hüüs mokt wie n handlichen Mannshogen Bessenriesbusch. Un wenn wi an´n Maidach mit´n Rad führt , denn mokt wie dor n lütten Maibusch ran. Jüdden