Diskuschoon:Land Wusten

Mutt dat egentlich Land Wursten oder Land Wusten heten? Von de Luudwannels maakt dat Sinn mit Wusten, so as is Mettwust. Un bi den Oort Wursterheide is mi dat jüst opfullen, dat dor fröher ok faken Wusterheide schreven worrn is. Aver in de Literatur kann ik nich so recht en Nawies finnen, dat dat so is. Bi Rudolf Eckart in sien Handbuch zur Geschichte der plattdeutschen Literatur (1911) heff ik dat een Maal funnen: As ick mine tweete Lehrerprüfung in'n Sömmer 1899 maakt harr, keem ick nah Land Wusten, in de fette Masch, wo de dicken Klüten backt ward. Dat is aver ok allens, wat ik nu funnen heff. Beten mager. Op de anner Sied heff ik nu aver ok kene plattdüütschen Böker funnen, in de Land Wursten insteiht. Jüstso mager. --::Slomox:: >< 14:29, 27. Feb. 2012 (CET)

Mettwurst heet bi mi aber ok so. Eastfrisian ✍ 15:41, 27. Feb. 2012 (CET)

Wenker hett en Koort to Wust: DIWA. Dor is Oostfreesland mit dat Rosa för Wust intekent, aver dat gifft in Oostfreesland ok en Reeg Öörd, de swarte Streken hebbt, wat bedüüdt, dat se dor in de Fraagbagens Wurst opschreven hebbt. In Wursten gifft dat ok dree Öörd, de Wurst hebbt, aver de grote Deel hett Wust (un en poor enkelten Öörd noch Wost oder Wuß oder Woß). --::Slomox:: >< 15:59, 27. Feb. 2012 (CET)

In Heinrich Teut sien Hadeler Wörterbuch heff ik wat funnen. Dor steiht de Landschop as Wussen in un de Inwahners as Wußers. De Haadlers schullen dat doch egentlich weten. --::Slomox:: >< 18:55, 28. Feb. 2012 (CET)