Diskuschoon:Jadebusen

"o" oder "a" ?

De Stadt Wilhelmshaven heet up Platt "Willemshaven". Dat hd.Woort "Hafen" is tominnst in Ollnborg "Haven" un nich "Hoben". En Hoben hett 'n ganz anner Bedüden. Dat neeindiekte Land bi Seefeld an'n Jadebusen t.B. heet Hoben, un de Diek darvör is de "Hobendiek". Ik heff den Verdacht,dat wecke plattdüütsche Schrievers de Vokale "a" un "o" nich ut'nannerhooln köönt. Se schrieft dat dumpe, lange "a" as "o". Dat "a", wat so klingt as in dat engelsche Woort "water" gifft dat in Hoochdüütsch nich, aver darum mutt man dat doch nich as "o" schrieven.

Aver wat misch ik mi hier in? Nadem een von de Schrievers mienen Artikel "De Jadebusen" as Schietkraan betekent hett, heff ik dat Geföhl, dat ik miene Weten un miene Meenung lever för mi behooln schull

Oh, dat is en Missverständnis, ik hebb den Artikel "De Jadebusen" verschaven no Jadebusen, vun wegen dat in de Lemmas (de Titels vun de Artikels) keene Artikel (de grammatikaalschen) steihn schüllen. Blots de Wiederleeten is Schietkraam, vun wegen, dat keeneen dorno söken deit, de Lüüd söökt no Jadebusen. Ik wull di echt nich verargern, dat deit mi Leed. --::Slomox:: >< 21:44, 18 Feb 2005 (UTC)

In de hochdüütsche Wikipedia steiht binnen, datt de Jadebusen nah de Cosmas-un-Damian-Floot vun 1509 an'n gröttesten weer. Hier heet dat aber, 1362 weer he an'n gröttsten. Wat is nu richtig?84.137.110.179

Schrievwies

To’n Anfang vun’n Artikel steiht, dat sik de Naam vun den Stroom Jaad afleidt. Wenn dat so stimmt, weer ik dorvör, den Artikel op Jaadbusen to schuven. --Iwoelbern 21:08, 18. Jun 2007 (CEST)

Na Wenker maakt de Ümgegend vun'n Jadebusen de Apokoop mit (Aap un keen Ape) un ok dat d an't Enn fallt weg (Lü un keen Lüüd oder Lüde). Denn blifft för de Jade blot Ja över. Na dat Nds. Wb. heet dat Dörp Jade op Platt Ja (Ümfraag 1935/1938) oder Jade (Ümfraag 1965). Villicht hebbt wi dat hier wedder dormit to doon, dat de olen plattdüütschen Naams utstarvt. --::Slomox:: >< 01:11, 5. Jun. 2008 (CEST)

Hier is ok noch nich recht en Enn rut... Woans wi dat nu schrievt, is mi eens, man wi schülln beids op de glieke Oort schrieven. Nich eenmol Jaad un eenmol Jadebusen. Oder? --Iwoelbern 18:50, 30. Jun. 2008 (CEST)