Diskuschoon:Jürgen Ahrend

Wunnerboren Artikel, man wat mi nich gefallt is de Satzdeel: un weltwiet de beste, warrt allgemeen seggt. Ik glööv, dor liggt en Oordeel in, wat sik verstahn lett, man in so'n Artikel schollen wi dat nich bruken. Ik höör dor al de annern luut bölken: Dumm Tüüch! De besten- dat sünd wi! Also: lever rutnehmen, den Satz, meen ik...--Bolingbroke 00:07, 17. Okt 2008 (CEST)

Moin Bolingbroke! Ik hebb dat rutschmeten. Aver ünner Faklüüd un Kollegen geldt he as de beste. Is doch wat, dat wi in Oostfreeland de meeste öllste Örgel op een Stee hebben un bovendien noch sess Örgelmaker. Aver Ahrend is för allen dat groot Förbild. --Wikiwal 09:21, 17. Okt 2008 (CEST)

Moin! Ik seh dat so as Bolingbroke. In een Nakieksel schülln wi keen egen Weerten rinschrieven. Dat is aver natürlich wat anners, wenn dat ennerworrns schreven steiht - denn kann dat woll ziteert warrn, wenn man ok en Born mit dorto schrieven kann. --Iwoelbern 12:20, 17. Okt 2008 (CEST)

Moin, Iwoelbern! Du hest seker recht, dat man sick in en Nakieksel mit sien eigen Oordeel terüghollen mutt. En Born över Ahrend als de beste Orgelmaker te finden, is ganz licht. Hier sünd twee:

1. "Jürgen Ahrend wird als der bedeutendste Orgelbauer unserer Zeit angesehen. Seine neuen Instrumente befinden sich in vielen Ländern Europas, in den USA, Japan und Australien." (Harald Vogel / Reinhard Ruge / Robert Noah / Martin Stromann: Orgellandschaft Ostfriesland. Soltau-Kurier-Norden, Norden 1995, ISBN 3928327194, S. 13)

2. "The emergence of the Ems-Dollart organs as cultural treasures of worldwide significance was made possible by four important events: (1) the founding of the Jürgen AHREND and Gerhard BRUNZEMA workshop (Leer) in 1954, which quickly established itself as the leading shop for restoration and conservation..." (Cleveland Johnson: Ems-Dollart Region. In: The Organ. An Encyclopedia. Douglas E. Bush, Richard Kassel (Hrsg.). Routledge, New York u. London 2006, ISBN 0415941741, S. 172) --Wikiwal 14:46, 17. Okt 2008 (CEST)

Na, denn snackt nix dorgegen, dat ok in'n Artikel to schrieven. Ik sett dat mol mit Nawies dorin... --Iwoelbern 15:13, 17. Okt 2008 (CEST)