Diskuschoon:Hinnerk Kruus

Seiteninhalte werden in anderen Sprachen nicht unterstützt.
Vun Wikipedia

Wi hefft dat ja al fökener mol harrt: Ik verstah nich, worüm de plattdüütsche Naam vun den Schriever Hinrich Kruse in den annern plattdüütschen Naam Hinnerk Kruus umännert wurrn is. Wi harrn woll seggt, en hoochdüütschen Naam scholl in plattdüütsche Kuntreien denn ännert weern, wenn de Plattsnackers em up Platt anners nömmt (as Harald Ringsdörp oder Krischan Wulff). Man datt nu nich jummers dat Sluss-e wegfallen deit (Kruse=>Kruus) un datt nich in all plattdüüttsche Gemarken Hinnerk för Hinrich bruukt warrt, bedutt doch, datt wi hier vörsichtiger mit ween mütt. Hinnerk Kruus dücht mi doch en reinen Kunstnaam.--Bolingbroke 16:30, 2. Sep. 2010 (CEST)[anter]

Naja, Slomox sall woll irgendeen Beleg rutfinnen. Ik bin dor bekanntermaaten nich vör, aber wat sall't. Eastfrisian 19:47, 2. Sep. 2010 (CEST)[anter]
Ik verstah jo nich. Wenn en Person en plattdüütschen Naam hett, de anners is as sien hoochdüütschen Naam, worüm schullen wi dissen Naam denn as Plattdüütsche nich bruken? Dat will nich in mienen Kopp...
Hinnerk Kruus kummt ut Sleswig. Dor gifft dat Apokoop un dor warrt ok Hinnerk seggt. Elkeen Naam, de vör en poor hunnert Johr mal en -e harr, hett dat nu verloren. Dat kann gornich anners as Kruus heten, wenn de Person nich totrocken is.
Un en Nawies heff ik ok ;-) [1], [2]. --::Slomox:: >< 21:25, 2. Sep. 2010 (CEST)[anter]
Verstahn kann ik dat woll. En Naam is en Naam, un jeedeen hett den Naam, de in sien Geboortsoorkunn binnen steiht, wat in de Regel en Hoochdüütschen is. Hebbt wi allns al mol dördiskuteert un jeedeen hett sien egen Ansicht dorto, nehm ik mol an. Bi Krischan Wulff frei ik mi ok nich jüst över den plattdüütschen Naam. He sülvst is seker keen Plattdüütschen, wull ik annehmen, un ik heff ok noch nümms Krischan to em seggen höört. Wenn sik Lüüd sülvst mit den plattdüütschen Naam betekent, denn is de Saak kloor, wenn in sien Heimat em meist all ünner den plattdüütschen Naam kennt, schall mi dat ok recht wesen. In all annern Fäll bün ik dor ok nich dorför. Aver wenn dat in dissen Fall beleggt is, denn hett dat jo ok sien Schick... --Iwoelbern 21:32, 2. Sep. 2010 (CEST)[anter]
Hamborg hett ok en Hauptsatzung, in de insteiht, dat de Stadt Hamburg heet, un liekers is dat op Platt Hamborg. En Hauptsatzung is för en Stadt temlich dat, wat Geboortsoorkunn un Stannsamt för en Minsch sünd. Mien Achternaam is nu op Hoochdüütsch un Plattdüütsch desülve, aver wenn ik na mien Moder ehr Sied Heinsöhn heten dee (wat op Hoochdüütsch Heinsohn is), un ik gah nu na't Stannsamt un segg mien Söhn schall "Harm Heinsöhn" heten, denn krieg ik dor to hören, dat dat nich geiht. Du kannst di keen Geboortsoorkunn mit en plattdüütschen Naam utstellen laten. Nicht zulässig. Un wenn ik wat, wat dat gifft, nich indragen laten dröff, denn kann dat Fehlen von en Indrag keen Argument dor för wesen, dat ik de Saak nich bruken dröff. --::Slomox:: >< 22:58, 2. Sep. 2010 (CEST)[anter]
As ik segg, hebbt wi allens al dördiskuteert. Hamborg is keen Person un hett dorüm ok keen egen Ansicht dorto. Personen hebbt dat aver. Wenn nu en Minsch mit Vörnaam Pierre heet, kannst em bi uns Wiki ok nich eenfach Peter nömen, ofschoonst dat an sik de glieke Naam is. --Iwoelbern 23:54, 2. Sep. 2010 (CEST)[anter]