Diskuschoon:Gott

Vun Wikipedia
Zur Navigation springen Zur Suche springen

Ik bün hier nich so recht tofreden mit. De Begreep "Gott" is mehrdüdig: To’n een Gott as „Egennaam“ in’t Christendoom, to’n annern is dat en allgemeen Beteken för en Wesen vun högere Oort (mit den Plural Gödder). Dat warrt in dissen Artikel nich so recht verkloort aver den ok wedder mitenanner vermengeleert. Ik denk, dat mutt scharper afrgenzt warrn und bruukt en Gavelsiet. Wobi ik persönlich jümmer vörteh, den Begreep as Gavelsiet to nehmen un de enkelten Bedüden as Klammerlemmas. Wat meent ji? --Iwoelbern 22:57, 28. Jan. 2011 (CET)

De Artikel docht vörn un achtern nix. Dat is so ut'e Lameng schreven un passt rein gor nich to en Nakieksel. So sund ja froher de meisten Artikels up use WP ween. Ik meen ok, en Gavelsiet weer dat eerst. Up de düütsche WP kann een sehn, datt dor ja allerhand Mengelmoos unner tohopenloppt, as Tonaams vun Lüde, de Gott heten doot etcpp. Denn gifft dat wiss Grund, nippe to overleggen, wie de Begreep vun Gott unnerscheden weern mutt, t.B. Gott (allgemeen), Gott (Monotheismus) un sunnerlich noch mol Gott (Christendom). Unner Umstänn mutt avers ok na Tiedoller unnerscheden weern: Gott (Vörgeschicht), Gott (Antike). Allens in een Artikel rin to prammsen maakt keen Sinn, denk ik.--Bolingbroke 13:17, 29. Jan. 2011 (CET)
Jüst dat meen ik ok. Ik weer dor woll ok sülvst bigahn, heff aver mit Religion nicht recht den Dörblick. Villicht schüll dat anners een maken, de dor mehr vun versteiht. --Iwoelbern 13:24, 29. Jan. 2011 (CET)