Diskuschoon:Georg von der Vring

Seiteninhalte werden in anderen Sprachen nicht unterstützt.
Vun Wikipedia
== Plattdüütsch==

Ik will mi hier nich musig maken, aver een paar Anmarkungen kann ik mi nich verkniepen:

1. Ik heff al vele plattdüütsche Böker schreven un ümmer versocht ole plattdüütsche Wöör, de al verschulln weern, wedder an't Dageslich to haaln. (to'n Bispill: Jöögd un Döögd, Rebett , Kuntrei, riev, u.u.u. Aver man mutt dat Volk ok up't Muul kieken un denn stellt man fast, dat dat nich ümmer mööglich is, een Woort ut'n Wöörbook to haaln. Kien Minsch (tominnst nich in Ollnborg) seggt för "Krieg" Orlogg, un darum schrief ik dat nich mehr, ofschoonst ik dat schaad finn, dat dat Woort nu bloot noch as Museumstück in een Wöörbook steiht.

2. Dat gifft ok Wöör, de man bi't Naslaan in Wöörböker finnen kann un doch nich dat bedüden doot, wat dat hoochdüütsche Woort beseggt. Ton Bispill. Kreis - Kring. Dat schöne Woort Kring is antwowennen bi Minschen, de sik versammelt, enen Vereen, ene Sellschup un so wieter. Ene Verwaltungseenheit, de up hoochdüütsch "Kreis" heet, kann man plattdüütsch nich as "Kring" beteknen. Dor lacht di de Höhner wat ut.

3. Wenn ik dann un wann is een Woort, dat een von jo Schrievers verbetert hett, doch wedder trüüghaal,denn weest mi nich böös. Ik mööt bi mien Ollnborger Platt bieven, un darto höört ok dat ole echt plattdüütsche lange dumpe a, dat so kling as dat a in ingl. "water". Dat kann ik nich as o schrieven,ok wenn ji dat ümmer wedder versöökt,mi darvon aftobringen. Ik schrief wieterhen "Jahr" un nich "Johr"--Gemeinold 16:40, 1 Mar 2005 (UTC)

De Orlog kummt, glööv ik tominns, vun de nedderdüütschen Nedderlänners, de ok to de nds.Wikipedia tohöört. In dat Nedderlännsche gifft dat ja ok noch den Oorlog. Wenn ik dor wat an ännern do (un du meenst mi ja seker), denn is dat vun wegen dat de Lemmas eenheetlich sünd för de Links. Denn wenn wi maal Tweet Weltorlog un denn weer Tweet Weltkrieg schrieven, denn hebbt wi bald twee Artikels, de de Krieg beschrieven deit. Dat sülve gillt för dat Johr, ik änner dat in de Links, dormit se an den richtigen Oort wiesen, un wenn ik de Links änner, mutt ik ok de annern Vörkamen ännern, vun wegen de Eenheetlichkeet. Johr heet dat ok in de Sass, de vun uns as Quasi-Standard bruukt ward, de bruukt sünst ok dat "a" för den Luut, den du meenst. Ober no mien Empfinden is de Luut in "Johr" noch en beten anners as de Luut in "maken" to'n Bispeel. Wi mööt de Wöör eenheetlich schrieven, alleen al vun de technische Siet her mit de Links.
Wenn wi uns nich an den Sass hollen wullt, denn mööt wi uns egen Regeln opstellen, de de Sass-Regeln as Utgangspunkt nehmen. Doröver köönt wi diskuteren.
Mit den Kring hest du ober wohrschienlich Recht. Ik maak mi doran, dat to ännern.
De -schup in Sellschup to'n Bispeel kummt mi weer komisch vör. No de Sass heet dat -schop oder -schap (-schap ward in de Sass as ollnborgisch betekt), ok Google seggt tomehrst -schap, denn -schop un kuum -schup. Dat änner ik ok, denn disse Wikipedia schall för all Nedderdüütsch snackende Lüüd to verstahn ween un dorüm mutt de Schriefwies so ween, dat mööglichst vele Lüüd dat verstahn deit. In de hoochdüütsche Wikipedia kann een ok kene Artikels in Bayrisch, Sassisch oder Hessisch schrieven. Wi hebbt nich de sülve Laag wi de hoochdüütsche Wikipedia vun wegen, dat dat gor keen Standardspraak gifft, ober de Verständlichkeet mutt wohrt bleven.
Musig maken deist du di mit konstruktive Kritik nich. --::Slomox:: >< 21:49, 1 Mar 2005 (UTC)

Ik glöuv nich, dat wi inne plattdüütsche Spraak eenheetlich schrieven kunnt. Wi hefft jo nich as innt hochdüütsche, een Luther, der met siene düütsche Bibel een standardbuk maakt hett. Un later de Duden un de amtliche Rechtschrievkommischon. Ik selber weit dat nich, över mien Vadder heft mi vertellt, dat alleen in de Gegend vun Ossenbrügge man "he kam" hochdüütsch "er kam" auk so seggen kann: he kamp, he keim, he keimp, he kveim, he kveimp. Un weiter wech gift dat bestimmt noch annere Formen. --Hans 02:39, 3. Okt 2006 (UTC)