Diskuschoon:Gemeen Kerklinneln

Kark- un/oder Kerk-

In de hoochdüütsche WP steiht, dat de Oort up Platt Karklintel oder ok Kerklintel heten deit? Weet dor een wat over? Kann een dor mol nakieken? Dat möss denn hier ja woll ok rin.--Bolingbroke ✍ 18:04, 22. Feb. 2012 (CET)

Op de.wp steiht dat aver ok mit en n achtern. Oder meenst du de Variante Kerklinteln? Karklinteln kummt ut de Belegoortdatenbank vun dat Neddersassische Wöörbook un na'n Wenker-Atlas maakt dat ok Sinn so, tominnst seggt se in Karklinteln Barg un nich Berg. --::Slomox:: >< 19:20, 22. Feb. 2012 (CET)

Dör ne’e Belege (Wikipedia:Wikiprojekt Öörd/Midden-Werserland#Kirchlinteln) gah ik dor nu von ut, dat de richtige Form Kerklinneln is! De Oort liggt na Wenker in dat Barg-Rebeed, aver mi dücht, dat de Isogloss Kerk/Kark nich övereen is mit de Isogloss Berg/Barg. Dat seggt op jeden Fall de Atlas der Celler Mundart. De seggt över "Kirchlinteln" direkt nix ut, aver över dat Rebeed in’n Oosten von Wasra seggt de Atlas wat ut un dor gellt Barg un Kerk.

Un düt Bild mit en Leedzedel kummt direkt ut’n Oort.

Un wat den tweten Deel von’n Naam angeiht: Ok "Klein Linteln" schall Lüttjen Linneln heten. Also keen t.

Wenn dor nüms wat gegen hett, denn änner ik den Naam bilütten överall in de Artikels op Kerklinneln. --::Slomox:: >< 14:40, 20. Jun. 2017 (CEST)

Heins

Hier steiht up Hoochdüütsch Groß- un Kleinheins in. Hefft wi womööglich Belege for den plattdüütschen Naam? Oder schöllt wi den, ok sunner Beleeg, Grotenheins un Lüttenheins nömen?--Bolingbroke ✍ 18:04, 22. Feb. 2012 (CET)

De Naams, de nich översett sünd, sünd in'n Borntext mit <!-- hd --> kenntekent.

Grotenheins lett sik hier finnen. Is en hoochdüütschen Text, sütt ut, as wenn dat ut en oold Karkenbook stammt. Dat is keen Bewies, aver dat kann good angahn, dat de Karkenbookschriever dor den inheemschen Naam von'n Oort bruukt hett. Düüdt dor tominnst op hen, dat Grotenheins richtig is. --::Slomox:: >< 19:20, 22. Feb. 2012 (CET)

Ünner Wikipedia:Wikiprojekt Öörd/Midden-Werserland#Kirchlinteln gifft dat nu Belege för Groten Heinz un Lüttj’n Heinz. --::Slomox:: >< 14:40, 20. Jun. 2017 (CEST)