Diskuschoon:Gediegen

Ik meen ja jümmers noch, dat schier hier beter passen dö...Gediegen heet ja an un for sik so veel, as afsunnerlich. Bi den Sass steiht ünner schier: rein;adrett;unverfälscht. Över gediegensteiht dor nix in. ---Bolingbroke 10:43, 2. Mai 2007 (CEST)

Nee, dat kann ok nich in'n Sass stahn. Dat is in dissen Fall in Fackbegreep ut de Mineralogie, wat mit den normalen Spraakbruuk nix to doon hett. Dat heet in'n Hoochdüütschen jüst so. --Iwoelbern 11:19, 2. Mai 2007 (CEST)

De Fraag harrn wi ja al mal: Wikipedia:Mi_fehlt_dat_Woort#gediegen.

Bi Grimm steiht, dat dat Woort mnd. gedegen heten hett (vun os. githigan). Denn is in dat Plattdüütsche later ja dat ge- wegfullen, de Form mutt also in de Theorie degen heten. In de Praxis gifft dat denn ok deegt. Voss schall dat ok bruukt hebben (aver in siene hoochdüütschen Warken).

Vun'n Sinn passt schier aver ok good, Grimm kennt schieres gold.

Wenn dat gediegen heten schall, denn mutt dat vun de Form her en Import ut dat Hoochdüütsche wesen. En Oordeel fällen kann ik aver nich, bi Bargbo kenn ik mi nich ut. Mutt woll ehrder en Fraag an de Plattdüütschen ut'n Süden wesen, dor kennt se ja Bargbo. Hm, de Westfalen hebbt jümmer blot Kohl utkuhlt, dor gifft dat keen schier, deegt, degen oder gediegen. Aver in'n Hoort/Horz, dor geev dat doch ok Bargbo. Wi mööt en Oostfalen hebben ;-) --::Slomox:: >< 16:08, 2. Mai 2007 (CEST)

As ik segg: Dat is en wetenschopplich Fackutdruck. Vun dorher is dat natürlich en hoochdüütschen Import, as Wetenschoppen jo man nich so faken op plattdüütsch bedreven warrt. Dat Woort gediegen kenn ik ansonsten blots vun „dat is jo gediegen...“ wenn een seggen will, dat een wat komisch vörkummt.

Ik heff jüst mol in'n Wiktionary nakeken. Dorna heet gediegen so veel as [1] Metalle: in elementarer Form; [2] sorgfältig bearbeitet, haltbar; [3] traditionell, zuverlässig, ordentlich; [4] norddeutsche Umgangssprache für seltsam, eigenartig --Iwoelbern 16:22, 2. Mai 2007 (CEST)

Ik finn, dat is swoor, dat richtig to maken. Mineralogie gifft dat ja nu lang nich op Platt. Dat Woort gifft dat op Nedderlannsch (gedegen) un op Sweedsch (gedigen) un ik kann mi goot vörstellen, dat dat en Hoochdüütschen Import is. Ik denk mi, dat is nich so verkehrt, wenn wi dat ok importeert. De Fraag is denn noch, wat wi gedegen oder gediegen bruken wullt. Dor hebb ik mi denn dacht, dat dat de Form "gediegen" op Platt ja al gifft, as t.B. in [1], ok wenn dat sünst en anner Bedüden hett. Dat ge- is hier ok nich so verkehrt as sünst. Gedegen warrt ja nich as Partizip bruukt, man as Adjektiv.

Also: wenn wi dat vun dat hoochdüütsche "gediegen" afledden köönt, denn ok in disse Foorm.

Mit "schier" weet ik nich so recht. Schier hett ja ok annere Bedüden. Un villicht is dat gor nich so verkehrt, dat "gediegen" as Fackwoort to hebben.

En Spraak in de moderne Tiet to bringen is swoor...

Ach noch wat: op [2] gifft dat "gedegen" un "gediegen" in dat "Mittelniederdeutsches Wörterbuch" HeikoEvermann 23:40, 2. Mai 2007 (CEST)