Diskuschoon:Dode vun dat Johr 2004

Sinn vun so'n Artikel

Ik nehm mol an, dat düsse Artikel schreven wurrn is, üm ut to proberen, wat so'n Bot allens towege bringt. In dat Johr 2005 müch dat ja ok Sinn maakt hebben, so'n Artikel up to stellen. Man nu is dat al 5 Johre her un in de Johren achterna is nix mehr kamen. Also meen ik: Entweder wi smiet düssen Artikel weg (allens bloß rode Naams), oder wi seggt, wi stellt jedet Johr so'n Översicht up de Been. Man so richtig weet ik nich, wat dat bringen schall...--Bolingbroke ✍ 13:19, 5. Nov. 2009 (CET)

Dat is nu en utwiete List, as se in Kortform al so in de Johresartikels binnen staht. Dorto harrn wi vör korten jo ok al en Diskusschoon, wokeen dor nu allens rinschreven warrn schall. Dat Problem blifft dat glieke: Wo schall een de Grenz tehn in so en List? Un to’n annern is de Fraag, wat för’n Sinn hett so en List.

Mien Ansicht na reckt dat, wenn in de Johresartikels (un Daagartikels) Listen mit de bekanntsten Lüüd binnen staht. Wenn een aver nu geern so en List hebben will, seh ik egentlich mehr Sinn dorin, bi de Personenartikels Kategorien mit Boren 19xx und Storven 19xx intofögen, as dat op de:WP begäng is. Dormit kann en sik all Lüüd oplisten laten, to de wi Artikels hebbt. En List as disse hett dorgegen den Vördeel, dat ok rode Lenken binnen stahn künnt - also Lüüd, de noch keen Artikel hebbt, aver denn mööt wi wohrhaftig för jeed Johr sowat maken, ahn dat dat för en Enzyklopädie veel Sinn maakt. --Iwoelbern ✍ 13:47, 5. Nov. 2009 (CET)

Iwoelberns Vörslaag is ja man nich verkehrt, aber mit bannig völ Arbeit verbunnen. Wenn man dat will, sull man dor bald mit anfangen, sonst kummt man dormit gar nich nah. Eastfrisian ✍ 21:51, 5. Nov. 2009 (CET)

Hett sück do nu all well Gedanken drüm makt. Ick würd denn woll de Footballer und all Artikel vun mi ergänzen.Eastfrisian ✍ 17:43, 8. Nov. 2009 (CET)