Diskuschoon:Brake

Seiteninhalte werden in anderen Sprachen nicht unterstützt.
Vun Wikipedia

Leeve Lüüt, Ok wenn dat all mol een Dischkution geeven hätt. Deit mi jo leed. Ik mocht dat blots nich eenfach so ännern, over dat paßt nich: Een Brake ok Brack kann keen Diek sien. Een Diek is een Diek (hochdüütsch Deich). Beter wär dat so verkloort: En Brake (ok Braak, Brack, Brook, man ok Wehle, Wehl un Kolk), is en lüttjen See achtern Diek, de an de Stäe tostanne kamen is, wo de Diek mol braken is. --Horst bei Wiki 14:57, 16. Apr. 2010 (CEST)[anter]

Na ja, Diek heet man nich bloß hoochdüütsch Deich, sunnern ok noch hoochdüütsch Teich. Natüürlich is düsse Diek=Teich hier in den Artikel meent. Wat dat Lemma angeiht, steiht de eene unner Diek (Water) un de annere unner Diek (Bowark). Nix för ungoot!--Bolingbroke 16:14, 16. Apr. 2010 (CEST)[anter]
Lev Bolingbroke, ik glöv so mannig veel. man dit nich. Dat Lemma Diek (Water) is - meen ik - Dummtüch. In keen Wöörbook steiht hochdüütsch "Gewässer" = plattdüütsch Diek, annersum steiht narms plattdüütsch Diek = hochdüütsch "Gewässer" or "Wasser". Min Vörslag wör to schreven: "(...) is en lüttjen See achtern Diek, de an de Stäe tostanne kamen is, wo de Diek mol braken is. Staats: "(...) en lüttjen See oder Diek, de an de Stäe tostanne kamen is, wo de Diek braken is." --Horst bei Wiki 20:23, 16. Apr. 2010 (CEST)[anter]
Plattmakers-Wöörbook. Wenn du op dat lütt Koortensymbol blangen Ünnerbedüden 2 ropklickst, denn kriggst du en Koort to sehn, wo dat Woord överall nawiest is. In 9 verscheden Dialektrebeden is dat Woord betherto nawiest (un dor kaamt gewiss noch mehr to). Wenn du op de Sied mit de Koort op Borns ankieken (oder Quellen anzeigen) ropklickst, denn kriggst du en Överblick in wat för Borns dat Woord nawiest is. --::Slomox:: >< 13:30, 17. Apr. 2010 (CEST)[anter]
Ik geev up. Un wunner mi, dat unner dat Lemma Diek (Water) nix steiht. --Horst bei Wiki 15:01, 18. Apr. 2010 (CEST)[anter]
Diek heet "Teich", dat is wiss keen Dummtüüch! Und ünner dat Lemma steiht noch nix, vun wegen dat noch nümms den Artikel dorto schreven hett. --Iwoelbern 16:43, 18. Apr. 2010 (CEST)[anter]
Na ja, ehrlich geseggt: Bi us warrt ok ehr Pool seggt. Man dat Woort steiht ok bi Böning in sien Wöerbook för Ollnborg. Wenn Lüde dor in den Artikel bi in Tüdel kaamt mit den dubbelten Diek, denn kann för Teich ja dat Woort Pool insett weern. Wenn dat denn anerwegens bekannt is. --Bolingbroke 18:46, 18. Apr. 2010 (CEST)[anter]
Pool kenn ik woll, heff ik ok al mol bi Pool ünner Pool (Water) verlenkt. Dat is aver nich dat sülve as’n Diek, man de Översetten vun "Pfuhl". Wi hebbt to Huus ’n Watersteed bi de Aanten, dat heet bi uns’n Aantenpool. Man, in en Pool kann’s keen Fisch hollen - de gaht di in’n Pool in. Dorto bruuk’s en Fischdiek. Beide Wöör staht ok so in’n Sass. --Iwoelbern 18:54, 18. Apr. 2010 (CEST)[anter]
Pohl is en Kognaat to Pfuhl, aver dat is nich datsülve. Ok en Pfütze kann al en Pohl wesen. Kannst aver ok to en lütt Waterflach Pohl seggen, wenn dor Fisch in leevt. Ik glööv, de wichtigste Ünnerscheed twischen Pohl un Diek is de, dat en Diek bewirtschaft oder pleegt warrt un en Pohl is sik sülvs överlaten. --::Slomox:: >< 20:00, 18. Apr. 2010 (CEST)[anter]
Pfütze is bi us nu wedder Putt, as in den schönen Riemel:
Bruukst nich mehr in Putten petten,
kannst nu up den Mors di setten (As de Freemarkt plostert wurrn is).

Man wat maakt wi denn nu, wenn Diek bi veele Lüde gor nich bekannt is? --Bolingbroke 09:15, 19. Apr. 2010 (CEST)[anter]

Bi veele Lüüd? Wenn ik mi baven den Lenk vun Slomox ankiek, denn ist dat Woort Diek in mehr Rebeden as "Teich" nawiest as in de Bedüden "Deich". Dubbelte Bedüden gifft dat bi annere Wöör ok. Dat eenzige, wat en maken kann, üm to hinnern dat Lüüd dör’n Tüdel kamt, is de Artikels dorto antoleggen. --Iwoelbern 09:52, 19. Apr. 2010 (CEST)[anter]
Wat mi aver jüst noch opfallt: de Begreep Diek betütt sik op Waterflachen, de künstlich anleggt sünd. In dissen Artikel is dat Woort al so verkehrt, vun wegen dat hier vun Watersteden snackt warrt, dat op natürliche Oort tostannen kamt. --Iwoelbern 10:08, 19. Apr. 2010 (CEST)[anter]
Dat Problem hefft se in de annern Spraken ok. Bi den nedderlannschen Artikel vijver steiht eenmol in, de Dieke weern vun'n Minschen anleggt, denn wedder warrt en Bild wiest vun en natüürlichen Diek. In den engelschen Artikel pond steiht glieks in, datt he vun de Natuur oder vun'n Minschen anleggt is. So hebb ik dat nu in Diek (Water) ok schreven. Anners mössen wi würklich Pool (Water) nehmen.--Bolingbroke 10:37, 19. Apr. 2010 (CEST)[anter]