Digitalt atlas over Danmarks historisk-administrative geografi
Digitalt atlas over Danmarks historisk-administrative geografi, kort DigDag, (plattdüütsch Digitalen Atlas över Däänmarks histoorsch-administrativ Geografie) is een digitalen Altas över de histoorschen administrativen Eenheiden in Däänmark. Dat Forschprojekt leep twüschen 2009 un 2012.
Maal un Afischt
[ännern | Bornkood ännern]Dat Maal weer een gemeensam histoorsch-geograafsche Datenbank över de administrativen Eenheiden in Däänmark op to stellen. Mit düsse Datenbank is den een GIS-Systeem inricht worrn, dat mööglich maakt:
- ene Infrastruktuur för de Ünnersöök to de administrative Historie in Däänmark vun 1600 an intorichten,
- ene Grundlaag för administraitv-histoorsch Ünnersöök to schapen,
- ene Söökmaschin för Archiven un Bökereen uutroarbeiden.
De Grunddaten sett uut ene digitale Katasterkaart un Informatschonen to Grundstücken tohoop.
Een Maal is een gemeensam histoorsch-administrativ Söökinstrument to schapen, mit dat de groten Kultuurarvinstitutschonen eer Kollektschonen, de administrativ ordent sünd, verknüppen köönt. De Kaartenatlas is intern för Archiven un Forschinstituten un ook för allemann in dat Internett. In dat Wark köönt de Brukerschen un Brukers de administrativen Eenheiden in enen Rebeed vun 1600 bet vundaag finnen.
De Atlas is ook för den Ünnerricht un de wetenschoplich Ünnersöök deenlich, denn histoorsch-statistsche Daten laat sik mit spetschellen Programmen un Geoinformatschoonssystemen (GIS) un den digitalen Atlas karteren.
Projektdeelnemers
[ännern | Bornkood ännern]Projektdeelnemers sünd verscheden däänsche Forschinstituten, grote kultuurhistoorsche Institutschonen un Archiven.
Dat Kunsortium achter dat Projekt arbeid över Disziplinen un Instituten henweg. In dat Kunsoritium seten: dat Rieksarchiv, de Geodatenbehöörd, de Süüddäänsche Universtiät, de Däänsche Königliche Bökeree, de Kultuurarvbehöörd, dat däänsche Natschonaalmuseum un de Universität Kopenhagen.
Vun de Universität Kopenhagen eer Humanisstsche Fakultät nemen dat Nordisk Forskningsinstitut un dat Saxo-Instituut un vun de Biowetenschopliche Fakultät, de vöörmalige Königliche Veterinäär- un Bureehoogschool (KVL) mit dat Zentrum för Woold, Landschop un Planen (däänsch Center for Skov, Landskab og Planlægning) deel.
Nettverwies
[ännern | Bornkood ännern]- digdag.dk Websteed vun dat Projekt (däänsch)