Dieter Dieckhoff

Vun Wikipedia
Zur Navigation springen Zur Suche springen

Dieter Dieckhoff (* 30. April 1929 in Bremen) is en düütschen Politiker von de CDU.

Dieckhoff is 1929 in Bremen boren. He weer op de Volksschool in Dörbern un later op dat Doomgymnasium in Veern un dat Albrecht-Thaer-Seminar in Celle. Na de School hett he in’n Landkreis Ülzen en Lehr in de Bueree maakt. He hett sien Landweertschopsmeester un en Dipl.Ing. agr. maakt un weer siet 1950 as Buur sülvstännig. 1968 hett he sik ok as Koopmann in’n Hannel mit Brennstoffen sülvstännig maakt.

Dieckhoff is Liddmaat in’n Vörstand von’n CDU-Bezirksverband Stood worrn. He weer ok Vörsitter von’n Verwaltungsraad von de Kreisspoorkass Veern un Liddmaat von’n Stiftungsraad von de Neddersassische Spoorkassenstiftung. He is Maat von’n Biraad von de Bremer Landsbank Kreditanstalt Ollnborg.

1961 is he Raadsherr un Frakschoonsvörsitter von de CDU in Dörbern worrn. Von 1981 bet 1986 weer he Börgermeester von Dörbern un von 1964 bet 1968 un wedder siet 1972 Afornten in’n Kreisdag von’n Landkreis Veern. Dor weer he von 1975 bet 1981 Vörsitter von de CDU-Frakschoon. In de Johren 1981 bet 1986 weer he Landraad von’n Landkreis Veern.

Dieckhoff weer von’n 21. Juni 1974 bet to’n 20. Juni 1990 (8. bet 11. Wahlperiood) för den Wahlkreis Veern Maat von’n Landdag von Neddersassen. He weer dor von’n 23. Juni 1982 bet to’n 20. Juni 1990 Vörsitter von’n Utschuss för Binnen-Verwaltung.