Diakritsch Teken

Een diakritsch Teken oder Diakritikum (Pluraal: Diakritika, vun ooldgreeksch διακρίνειν diakrínein, plattdüütsch ünnerscheden) is een lütt Teken, so as een Punkt, Streek, Haken Bagen oder Krink, dat meist baven oder ünner enen Bookstaven sett warrt un so een anner Uutspraak oder Akzent wiest. Welk diakritsche Teken köönt man vöör oder achter den Bookstaven staan oder döör den Bookstaven döör gaan. Diakritsche Teken köönt een Alphabeet so vergröttern, statts heel nee’e Bookstaven to schapen.

Vele latiensche Alphabeten hebbt Diakritika, man ook de araabsche un hebrääsche Schrift, so as indsche Schriften kennt verscheden diakritsche Teken.

Diakritsche Teken in de latiensche Schrift

De diakritsche Teken hebbt in verscheden Spraken meist verscheden Funktschonen.

• Akut
• Bagendackakzent
• Cédille
• Dubbelakut
• Gravis
• Haken
• Hatschek
• Hoorn
• Makron
• Middelpunkt
• Ogonek
• Ringakzent
• Schreegstreek
• Tilde
• Trema
• Överpunkt
• Ünnerkomma
• Ünnerpunktakzent
• Ünnerstreekakzent
• Zirkumflex

Literatuur

• Rose Hartmann: Duden. Satz und Korrektur. Dudenverlag, Mannheim 2003, ISBN 3-411-70551-5, S. 341.
• Hadumod Bußmann (Ruutgever) ünner Mitarbeid vun Hartmut Lauffer: Lexikon der Sprachwissenschaft. 4. Oplaag. Kröner, Stuttgart 2008, ISBN 978-3-520-45204-7.

Weblenken

• Aussehen und Benennung diakritischer Zeichen im lateinischen Schriftsystem