De Plattsnuten
De Plattsnuten is de Naam vun ene plattdüütsche Magazinsendung in’t Radio. De Sendung warrt eenmol in’n Maand över Radio Weser.TV utstrahlt. Dat Studio vun düssen Sender is in Findörp unnerbröcht. Dat Team vun de Redaktschoon arbeit’ ehrenamtlich un stellt siene Themen so tosamen, as em dat passlich dücht. Baas vun düsse ehrenamtliche Redaktschoon is Wilfried Rode vun den Plattdüütschen Vereen in den Bremer Stadtdeel Gröpeln. De Sendung warrt utstrahlt över UKW 92,5 un Kavel 101,85, jummers an’n Middewekenavend, Klock 18.05 h bit 19.00 h. To dat Konzept vun de Sendung höört dat, dat jummers Gäste to en aktuell Thema in dat Studio inlaadt weert. De Plattsnuten gifft dat siet 1999.