De Nieje Tied

De Nieje Tied (Unntertitel: Blad in t plat) was ene Literatuurtiedschrift up Twentsk Platt un benaowert platdüütske Dialekte up de niaderländske Siede so as Sallandsk, Acherhooksk un up de düütske Siede so as Westmönsterländsk oder Graofschopper Platt.

Allens tohaupe kemen twisken Märt 1994 un April 2004 tein Uutgaowen ruut.

Makers

Dat Blad keem in Eanske bi den Verlag De Oare útjouwerij ruut. In de Redaktschoon seten Gerrit Klaassen un Mitbegrünner Goaitsen van der Vliet.

Inhold

In De Nieje Tied stünnen literaorsch Texte un Bidriäge uut allerhand Genres, spraokwiätenskoplik Artikels, ene Rubrik för korte Berichte un Liaserbreve un ene Üöwersicht van niegen Böker üöwer un up Platt. Dat Blad bruke Goaitsen van der Vliet siene Standaard Skriefwieze.

Stil

De Nieje Tied woll niemoodsk sien un beed keen Stia för de annerwiägens in de plattdüütske Literatuur typske Folklore un Nostalgie. De Redaktschoon kritiseer aukk jümmers wedder de in eren Augen lege Qualitäät van twentske un allgemeen plattdüütske Schriewerie in Saken van Thematik, literaorsk Anspruch un auk Typographie un Druck.

So leep dat al van de Anfang an nich allerbest twisken dat niege Blad mit siene scharpbietske Kritik un de traditschonellen Tiedschriften för Dialektliteratuur. De Twentsche Courant schreew:

Organisaties die zich met het oostelijk dialect bezighouden [...] zwijgen in alle en zelfs de streektalen. Noch in Stad en Land van de Twente Academie, noch in de Bodbreef van de Kreenk vuur de Twentse Sproak of De Moespot van t Verbond van Neersasse Dialectkringen een woord over het nieuwe blad in t plat.

Organsisatschoen, de sik mit den ööstliken Dialekten befaat, swiegt in allen ok op Platt. Noch in Stad en Land van de Twente Academie, noch in de Bodbreef van de Kreenk vuur Twenste Sproak oder De Moespot van de Verbond van Neersaase Dialectkringen finnt sik een Woord üöwer dat niege Bladd in Platt.

Dat Fasthollen van Twenske Schriewer un Liaser an nostalgiske Schriewerie üöwer aule Tieden was na Frank Löwink siene Schrift üöwer de Twentse Beweging een grund, dat De Nieje Tied nie in hogen Oplagen ruutkeem un toletsz instellt worde.

Weblenke

• Webstee van De Nieje Tied (Archiv)
• Nummers van De Nieje Tied bi de Twentse Taalbank