David Wilkie (Swemmsportler)

David Wilkie MBE (* 8. März 1954 in Colombo, Sri Lanka; † 22. Mai 2024) weer en schottisch Swemmer.

Sien eersten internatschonalen Spood fier he bi den Commonwealth Games 1970 in Edinburgh, as he de Bronzemedaille över 200 Meter Borst wunn. Bi disse Spelen weer he de eerste Swemmer, de bi en grooten Wettkamp en Baadkapp droog. Bi de Olympisch Spelen 1972 in München wunn he över 200 Meter Borst mit de Sülvermedaille (achter John Hencken vör Nobutaka Taguchi un Rick Colella) sien eerst olympische Medaille.

Veer Johr later kunn he in Montreal sien Medaillensammlung utwieten. He wunn de Goldmedaille över 200 Meter Borst (vör Hencken un Colella) un en Sülvermedaille över 100 Meter Borst (achter Hencken un vör Arvydas Juozaitis. In de Johren 1973 un 1975 wurr he todem Weltmeester över 200 Meter Borst un 1974 Europameester över 200 Meter Lagen un 200 Meter Borst.

1982 wurr he in de Ruhmeshall vun den internatschonalen Swemmsport upnommen, 2002 in de Scottish Sports Hall of Fame.

David Wilkie is in’n Mai 2024 an den Folgen vun en Krebserkrankung storven.

Literatur

• Pat Besford: David Wilkie, London : Kemps, 1976, ISBN 0-905255-22-4

Weblinks

• David Wilkie in de International Swimming Hall of Fame (engelsch)
• David Wilkie in de Datenbank vun Olympedia.org (engelsch)