Dave Peyton

Dave Peyton (* 19. August 1889; † 30. April 1955 in Chicago) weer en US-amerikaansch Songwriter, Pianist, Arrangeur, Orchesterleiter un Musikkritiker. He schreev Kolumnen för den Chicago Defender.

Peyton fung sien Loopbahn as Pianist in dat Trio von Wilbur Sweatman an, tosommen mit George Reeves, wo he van 1908 bit 1912 speel. Ansluutend hett he sien eegen Ensembles in verscheeden Theatern in Chicago leit. To sien Sidemen hörrn Charlie Allen, George Mitchell, Bob Shoffner, Ruben Reeves, Kid Ory, Bud Scott, Jasper Taylor, Jimmy Bertrand, Baby Dodds, Preston Jackson, Darnell Howard, Jerome Don Pasquall, Joe King Oliver un Lee Collins. Ofschons he blots eenmal ünner sien eeegen Naam upnommen hett [mit Richard M. Jones an dat Klaveer in Baby o’ Mine (1935, Decca 7115) oder Joe Louis Chant), nehm sien Orchester 1928 ok ünner de Naam Fess Williams up (Dixie Stomp/Drifting and Dreaming, Voc. 15690). In den 1930er Johren hett he en Orchester in dat Regal Theater leit un speel vun Midden vun de 1930er bit Enn’n vun de 1940er Johre al Solist in Bars un Nachtclubs. In den 1950er Johren hett he sien Loopbahn afslooten un he hett en chemische Reinigung apen maakt.

Peyton weer för sien Organisatschonstalent bekannt. He hett as Musikünnernehmer arbeit un hett up Anfraag Orchester för de nah Rassentrennung trennt Veranstaltungsöörd besett. Dat weer hüm ünner annern dör sien Tosommenarbeit mit Earnie Young (en vun de Grünner vun de Music Corporation of America) mögelk. Peyton weer ok en gooden Arrangeur un kunn Leeder för de Künstler personaliseeren, sodat hör Dorbeeden vun populär Leeder unverwesselbar wurr. Dat hett he för Stars as Al Jolson un Eva Tanguay maakt. Van 1925 bit 1929 schreev he jeder Week en Musikkolumne in den Chicago Defender.

Peyton is för allen för sien Leeder bekannt, vun de eenige to groot Hits wurrn; dorünner de Klassiker „I Ain't Got Nobody“ as ok de Stücke „Hey Stop Kissin' My Sister“ un „Roumania“, beid sungen vun Fats Waller.

Weblinks

• Dave Peyton bi Discogs
• ImdB