Daor Klept de Klokke Weer
| Daor Klept de Klokke Weer | |
| Filmdaten | |
|---|---|
| Originaltitel: | Daor Klept de Klokke Weer |
| Produkschoonsland: |  Nedderlannen |
| Johr vun’t Rutkamen: | 2019 |
| Läng: | 30 Minuten |
| Originalspraak: | Stellingwarfs |
| Filmkru | |
| Speelbaas: | Thomas Rovers |
| Dreihbook: | Thomas Rovers |
| Produkschoon: | Thomas Rovers |
| Kamera: | Thomas Rovers |
| Dorstellers | |
|
Dirk Nijk | |
Daor Klept de Klokke Weer is en nederlandsk-neddersassischen Kortfilm mit en Spöölduur van 30 Minuten un de eerst Film up Stellingwarfs. De Historiker Thomas Rover het de Film up Initschativ van de Stellingwarver Schrieversronte dreit.
De Kortfilm het H. Hoogeveen sien Romaan mit de sülve Titel as Grundlaag un vertellt de Freeheidsstried tegen de sassische Hartog Albrecht in de Stellingwarven um 1500.
Afloop
[ännern | Bornkood ännern]1499 plünnern Söldners uut dat Hillig Röömsch Riek vun Düütsche Natschoon de Stellingwarven. Se staan in de Deenst van Hartog Albrecht van Sassen, de en Jaar tovören de Herrskupp övernommen harr. De Buur Franke beslütt mit en Schaar Lieksinnigen to de Wapens to griepen, tegen de butenlandsk Indringers to fechten un de daarför to sorgen, dat de Stellingwarven sülvststännig bleven.
De Stried was man vergeevs, denn de Övermacht van de Sassen was to groot. Franke un sien Mannen moten hörs Stried tegen de Sassen upgeven un de Stellingwarven worden en för all Maal en Deel van Freesland ünner de Herrskupp van de sassisken Hartogen.
Produktschoon
[ännern | Bornkood ännern]De Initschativ för den Film keem van de Stellingwarver Schrieversronte, de mit en Stellingwarfs Film den neddersassisk Dialekt in de Stellingwarven stütten wull. Dat Thema söchte sük de Schrieversronte uut, üm dat se menen, dat de Stellingwarvers allgemeen meest nix över düt Stremel uut de Historie van de Regioon afweten doon. Daarum nemen se de Romaan Daor Klept de Klokke Weer, den H. Hoogeveen 1959 ruutbrocht harr, as Grundlaag för de Film.
De Speelbaas Sietske Bloemhoff van de Schrieversronte keem mit den jungen Historiker Thomas Rovers uut Grönnneg in Kontakt, de för sien Masterarbeid en Skript för en historisk Film över italieenske Söldner, de in de Tachtentigjarige Oorlog in dat spaanske Herr in de südelk Nederlannen denen. Rovers leeste dat Book van Hoogeveen un schreev up Grundlaag van de Romaan en Filmskript. He brochte sük dann sülvst de Umgang mit Kamera un de Filmontage bi un maakte de Film glieks der achteran meest vullstannig egenhannig.
De Höövdrullen spölen Dirk Nijk, Lute Evert Wedekind, Emma Winter un Evert Pultrum, de sük up Upropen van de Schrieversronte in lokaal Bladen un sotschaal Medien un Anfragen bi Laienspööldelen mellen.
De Film word in de Sömmer 2017 in acht Dagen in de Delleboersterheide, de Aekingerzaand, bi de Klockenstool in Ni’jberkoop, up de Borg Stoutenburght in Blesdieke un in dat Drentske Museumsdörp Orvelte opnommen.
Der achtern het Rovers in good en Jaar dat opnommen Materiaal to en Film tosamensneden. De Kosten hebben verscheden Organisatschonen, Bedreven un Personen dragen. De Verband It Fryske Gea geev Verlööf in dat Natuurschuulrebeed Delleboersterheide to dreien.
De Film harr de 21. Februar 2019 sien Premieer bi de Slieker Film in Liwadden un word dann up allen Basisscholen un wiedergaan Scholen in Oost- un Weststellingwarf vörspöölt.
Borns
[ännern | Bornkood ännern]- Karin de Mik: Film belangrijk voor identiteit Stellingwerven, yn: de Ljouwerter Krante, 14 febrewaris 2019, s. 27.