Christus-Kark (Warstood)

Vun Wikipedia
(wiederwiest vun Christuskark Warstood)
Zur Navigation springen Zur Suche springen
De Kark von Noorden keken
De Kark von Süden keken
Klock vör de Kark
De Ingang
Oold Partemang bi de Kark

De Christus-Kark Denkmaal mit de Nr. 35.202.200.017 in de Gemeen Hemmoor is de Kark von dat evangeelsch-luthersche Kaspel Warstood (Karkenkreis Hadeln). Ehren Naam hett se von Jesus Christus. To de Gemeen höört üm un bi 3.800 Lüüd to.

De Kark liggt in Warstood an de Straat Karkplatz nich wied von de Bundsstraat 73 un dicht bi’n Kriedsee.

Historie[ännern | Bornkood ännern]

Warstood hett von öllers to dat Kaspel von de Bartelmees-Kark in Loomst tohöört. De Weg dor hen weer acht Kilometer wied. Dorüm hebbt de Warstoders an’n 4. April 1780 en Anfraag an dat Konsistorium in Stood stellt, dat se nich mehr to Loomst tohöörn wullen. Dat is aver aflehnt worrn.

De Christus-Kark is denn von September 1897 af an ünner Architekt Eduard Wendebourg boot un an’n 5. Dezember 1898 inwieht worrn. To de Tied weren de Öörd ümto düchtig wussen, nadem de Hemmoor Zement AG en Barg Arbeiders antagen harr. En egen Karkengemeen, de unafhängig von Loomst weer, is dat denn 1903 worrn.

De Kark is ut rode Zementsteen ut dat Hemmoorer Zementwark boot in’n Stil von de Neegotik.

Örgel[ännern | Bornkood ännern]

De Örgel is 1898 von de Firma Furtwängler & Hammer boot worrn. Se hett twee Manuals, een Pedal un 18 Registers.

1985 hett de Firma Schmidt un Mappes de Örgel restaureert.

Pastoorn[ännern | Bornkood ännern]

  • 1897–1908: Karl Thielbörger
  • 1908–1914: Nebel
  • 1914–1921: Wilhelm Wendebourg
  • 1921–1929: Hermann Ubbelohde
  • 1980–September 2014: Uwe Erdmann
  • Oktober 2015–: Martina Wüstefeld


  • ~1998: Johannes Neukirch
  • opstunns: Heike Mangels

Kaspel[ännern | Bornkood ännern]

To dat Kaspel Warstood höört de Öörd Warstood, Westersood, Hemmoor, Hemm un Brökelbeek to.

De Naverkaspels sünd Öberndörp in’n Noorden, Oosten in’n Noordoosten, Basbeek in’n Süüdoosten, Loomst in’n Süüdwesten un Kumbarg in’n Noordwesten.

Literatur[ännern | Bornkood ännern]

  • 100 Jahre Kirche Warstade. 1998

Weblenken[ännern | Bornkood ännern]

Commons-logo.svg Christus-Kark. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 42′ N, 9° 8′ O